Kem Lingón 4:5 - Udél Dwata: Gna Kesfasad ne Lomi Kesfasad

⁵ Snaligem Dwata, ne dsuem yó kem dsù hyu.

Kem Lingón 4:5 Referans Kwoze

Kem Lingón 37:3

Holi smalig bè Dwata dé, ne nmoem yóm hyu. Tódói henek ta yóm tonok blay Dwata kóm, ne laen kô sembeweg kóm bè yó.

Kem Lingón 51:19

Ke yó se kmoen, angat tey kehyu nawahem du ke wen gel dsù me ebéléem. Senged se yóm dsù gel hkekeb me, tey kehyu nawahem du. Ne angat wen kem safì tudu gel dsù me ebéléem snéen.

1 Pitér 4:19

Duhen yó, yu kem tau glayam nim kmoen ni lemwót bè kun kóyô Dwata bélê ye, tódô hogot ye ke Dwata yóm klowil ye, ne senflós ye mò du yóm hyu, abay se yóm tehe mifil kuy, là kô klifóten du yóm tehe fasaden kuy.

Kem Lingón 62:8

Ó kem dou tau, hol tendo snalig ye Dwata. Tulón ye du yó kem blat nô ta ye, abay se Dwata se yóm gónó tekuy e mlo.

Dwata 33:19

Gotu tinok le yó kem tólóng tau ebè yóm kul bulul ne dsù le bè yó yóm hol bang knóón dsù ebè Dwata. Wen tey hyu klowil le lemwót bè mohin, lemwót bè yóm gel ton le lem yó kem helek bè kilil mohin.”

Matyu 5:23

Yó gónóm mon, ke wen dsuem ebè Dwata, anien ke dengi kól bè yóm gónóhem demsù, okóm ke gtulón bè nawahem wen gónóm seglius bè dumum tau,

Isaya 61:8

Yó udél Dwata, monen, “Hol nóyóu yóm kukum tedeng ne alì kenbéu yóm tau gel hemgnok kem dumuhen ne yóm gel mulé udin. Angat dohò keblayu kul ofol yó kem dou tau. Ne wen senfasad me, yóm fasad laen kô dù sónen.

Malakay 1:8

Knóón béléu kô yóm kedsù ye ebéléu yó kem ógóf butô ne yó kem ógóf tugô ne yó kem ógóf wen desen? Tilów blay ye ebè gubérnor ye dé kun yó kem ógóf wen óngó le yó, hnénég ke hligal du ne ke wen blayen kuy,” udél yóm Dwata laen dù là gbeken du.

Kem Lingón 50:14

Yó hol hnebelu bélê ye ke tahu duhen yóm keslamat ye béléu, ne ke hol dnohò ye yóm deng fasad ye dou yóm Dwata hol dandónen geta.

Isaya 50:10

Bong bélê ye kuy, yu kem tau wen klikoen ke Dwata, yu kem gel mimón du yóm udél yóm tau tóbóng lówóhen, anien ke tey kmifu yóm lan lolò ye, hol snalig ye yóm gónó ye mogot, hol ken-gel nawa ye Dwata.

Kem Lingón 26:1

Ó Dwata, hegfanem yóm klaen dù salau, abay se tedeng yóm gel nmou. Là kóen monol yóm gel ksaligu kóm.

2 Samwél 15:12

Yóm igò Absalum demsù ebè Dwata, hangayen Ahitufél yóm sotu bè yó kem gónón gel hmungol hlau yóm tau hol geta nô bè benwu Gilo. Duhen yó, sónmoen temnù ne tau mung ke Absalum, ne yó gónón mgemel yóm atulen matù ke maen.

Kem Lingón 2:12

bè yóm keheglaan ye béléen. Déke kendel msut lebuten, ngem kà tódô ye matay mekto. Tey kehligal le kul yó kem tau tendo gel hofin béléen.

Kem Lingón 77:7

Laen dù tul sónen ne kô yóm kekbê Dwata dou? Là buden hligal béléu ne kô?