Kem Lingón 4:3 - Udél Dwata: Gna Kesfasad ne Lomi Kesfasad

³ Ni hol hendem ye. Deng eles hetfing Dwata mò kun yóm tau tedeng kmoen. Ke tmabahe ebéléen, hnungolen ou.

Kem Lingón 4:3 Referans Kwoze

Kun Snulat Jan 15:16

Là kô yu du mélék do, ou se fen mélék kuy. Yó gónóhu mélék kuy mò hógówu anì hol ye mungu, yóm kbungu laen kô dù tul sónen. Ke ni se nmò ye, balù kihu hni ye bè Mà mlan bè dou boluy, tódô blayen kuy.

Kem Lingón 34:15

Tendo gel knudung Dwata yó kem tau tedeng kmò le. Gel hnungolen yóm ktaba le ebéléen.

2 Pitér 2:9

Bè ni kem tulónu kuy ni koni gónó tekuy mton du yóm tey khulung Dwata lemwà yó kem tau gel mimón du ke wen gel gfà le. Ne tnafaken yó kem tau gel mò sidek, bede yó he hol kehdengen du kesok kól bè yóm angat kkukumen tau.

2 Timuti 2:19

Okóm yóm ktahuhen lemwót bè Dwata, là kóen na a monol. Wen deng hsulat Dwata, yó monen, “Tngón yóm gónó tekuy mogot yó kem kun tau.” Ne sotuhen, “Ke yó udél yóm sotu tau, ke monen, Tauhe yóm gónó tekuy mogot dou, yake hol hlayuk du sen yóm sidek.”

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Kehewà 33:16

Tô kmò ketngón kem tau du se yóm tey kehyu nawam ebè yó kem tauhem ne ebéléu ke là mungi kum? Lemwót bè yóm kmungem kum gónó me stólóng bè kdéen tau te tonok.”

Kem Lingón 6:8

Ó kem tau gel mò sidek, hlayuk ye béléu, yakà deng gungol Dwata du yóm kkiku.

Ifisus 2:10

Yakà Dwata du yóm deng hmomi tekuy. Ne lemwót bè yóm deng kessotu tekuy ke Krays Jisas, deng henbalingen tekuy ne tau mò du yóm hyu. Ne yóm hyu gel nmò tekuy ni kmoen ni, deng tehe eles kem hendem Dwata ne ekni yóm kmò tekuy du.

Kem Lingón 50:5

Yó udélen, monen, “Sentifun ye lu ebéléu yó kem dou tau là monol nawa le mimón do, yó kem tau deng dumuhu sfasad mlan bè kedsù le.”

Kem Lingón 31:23

Yu kem tau gel mò du yóm kun kóyô Dwata, hol kenbong nawa ye Dwata. Sal gel nofinen yó kem tau teneb lemolò du. Okóm yó kem tau heklabak, tey sidek ktafaken kul.

Kem Lingón 56:9

Bè yóm kdawu htóbóng béléem, Dwata, gotu le beklil mulék yó kem hohonu. Bè yó se gónóhu temngón du deng nfi Dwata ou.

Kem Lingón 49:3

Abay se tey wen lemen nim udélu ni lemwót bè yóm khulungu temnef.

Kem Lingón 62:10

Béem tô nalu nawa ke tói mdengen ke mlan bè kgagahem duhen ke mlan bè knagawem. Ke temnù kendengenem, béem alì hsù du nawam.