Kem Lingón 4:2 - Udél Dwata: Gna Kesfasad ne Lomi Kesfasad

² Yu kem tau hmohon dou, kmò kegenen de yóm tendo kudél ye sidek etahu? Kegenen de yóm tendo ktifù ye dou là tahuhen? Kegenen de yóm tendo kmò ye kéng?

Kem Lingón 4:2 Referans Kwoze

Kem Udél Hlalak Tehe Selumun 1:22

Ni se udélen, “Yu kem tau là ngelem kehedem ye, mò kegenen de duen yóm óyô ye du yóm là ketngón ye? Yu kem tau gel semdekà, mò kegenen de duen yóm kbeyen ye yóm kesedkà ye? Ne yu kem tau book, mò kegenen de duen yóm keklit ye du yóm ketngón?

Husiya 4:7

Ke henwenen temnù kwen yó kem tau gel semblóng tau ebéléu, henwenen se temnù yóm tendo kegsalà le béléu. Yóm tehe kegdóyón ye bè yóm klolò ye do, deng mom tles ye du yóm kyak ye lan ye lemolò yó kem dwata kéng.

Kem Lingón 3:3

Okóm, Dwata, uu se kemlung hmilol dou, uu se hegmò dou, bud uu se tendo hfól nawahu.

Jirimaya 2:11

Deng wen bélê le kô temles du yó kem kul dwata balù yóm là ktahu le? Okóm yó kem dou tau deng mom tenles le ou, yóm kul Dwata hol gónón lemwót yóm kadat le kul yó kem dumu tau. Tles le dou yó kem dwata lennged laen dù muhen.

Kem Lingón 106:20

Deng mom tles le yóm Dwata le alì geta yóm lennged safì tudu mótób yó kem bnes.

Kem Lingón 5:6

Sal genlaem yó kem tau mò kéng. Tey sidek keklitem yó kem tau monok ne kem tau smukat.

Ifisus 4:25

Duhen yó, hol bê tekuy abay bud mò kéng sen. Tódô gel tulón tekuy yóm ktahuhen bè kem dumu tekuy hemtahu, abay se deng kuy ssotu bè kun lówó Krays.

1 Samwél 12:21

Bê ye abay bud semfulék tmaba ebè yó kem dwata kéng laen dù muhen. Là gbek le tmóbóng kuy ne là gbek le lemwà kuy abay se tahu laen dù mu le.

Juna 2:8

Yó kem tau hemtahu bè yó kem dwata lennged laen dù muhen, deng knogol le uu ne.

Jirimaya 9:3

Yó udél Dwata, monen, “Sónmò le tmulón kéng yó kem dou tau, là ndà le du yóm ktahuhen. Sónmoen temnù ksideken yóm gel nmò le. Laen dù bud nawa le ebéléu,” mon Dwata.

Isaya 59:4

Gel ye skukum, okóm là kô ndà ye du yóm kukum tedeng mom snalig ye yóm kéng anì gemmò ye. Tey mahil bélê ye mò du bè kem dumu tau yóm sidek gel natul ye.

Isaya 45:17

Okóm yó kem tau Israél deng lenwà Dwata lu kul. Yóm kegmò le bè yó kem hohon le laen kô dù tul sónen. Laen kô bang gónó le bud myak bè kem dumu le tau.’ ”

Kem Lingón 63:11

Okóm béléu dou, yóm tau hol geta deng nélékem, tey kligalu lemwót bè yóm kehegmoem dou. Yó kem tau gel dnohò le yóm fasad le hlan le bè boluy Dwata, angat tey kdóyón le ke Dwata. Okóm yó kem tau gel mò kéng, angat hegfan Dwata yóm kéng le, là kô le bud gudél.

Kem Lingón 58:3

Ni kem tau mò sidek ni, tódô mung bè ksut le gemsalà. Kewóten bè ksut le yóm kmò le kéng.

Kem Lingón 58:1

Yu kem tau mogot benwu, tedeng kô yóm kkukum ye? Laen dù mtukul nfi ye kô bè yóm gel kkukum ye tau?

Kem Lingón 57:4

Tódô snibut le ou yó kem hohonu, hol lómó kmò le, lómón yó kem liyun alì bitil móyô msék tau. Yóm ktelem yó kem nihi le, hol lómón ktelem yó kem buyus ne yó kem hanak. Tey telem kudél le, hol lómón ktelem yó kem sudeng sbalà bak.

Kem Lingón 31:6

Tey keklitu kul yó kem tau tmaba ebè yó kem dwata lennged laen dù muhen. Okóm béléu dou, són uu, Dwata, yóm dou snalig.

Kem Lingón 14:6

Yó kem tau sidek gel nmò le yó, sónmò le gel hemseng atul yóm tau hulung heglaan, okóm tey gel kofin Dwata du.

Kem Lingón 2:1

Kihol le gel tô matù ke Dwata yó kem tau bè klamangen benwu? Kiholen dê gel tô atul le? Yakem wen se gónón e kól.

Kem Lingón 72:2

anì tedeng kwiten kul yó kem kóm tau, ne anì tedeng snéen kwiten kul yó kem tau gel hen-gnok le.

Lista 14:11

Yó udél Dwata ebè Musis, monen, “Deng tódô senflós le kembê do ni kem tau ni. Tódô senflós le là smalig do igoen deng tey dê hentaw ton nmou lem blóng le.

Kehewà 10:3

Tahu se, bud le mógów ebè Faro le Musis ne Aron, mon le mò du, “Yó udél yóm sana Dwata yó kem tau Hibru, yóm hol gónó mogot, monen, ‘Deng tey kegenen ne yóm là keheglaanem béléu. Hol hewótem lu ne yó kem dou tau anì na le e tmaba ebéléu.

1 Kurin 1:31

Bong tahu se yóm monen bè Sulat Dwata, yóm monen, “Olon yóm kun deng nmò yóm gónóhem mogot yóm hol saluem. Béi mom hton salù yó dum kóm.”

Jirimaya 2:5

Yó udélen ebélê ye, “Salà du de yóm tehe ton le béléu yó kem tehe fù ye? Tedu se ton le mò gónó le hlayuk béléu? Deng le mom tmaba ebè yó kem dwata lenbù nmò laen dù muhen. Ne yó uléken baling le tau laen dù mu se kul.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

Kul Nmò 24:9

Timbow deng kudél yóm begadu, omin le gbót dmelem se kul yó kem dumu Ju, ne bud mon le, “Là kóen kéng yóm udél begadu yó dé.”