Kem Lingón 4:1 - Udél Dwata: Gna Kesfasad ne Lomi Kesfasad

¹ Ó Dwata yóm gel mfi dou. Hol bnalaem ou bè yóm ktabahu ebéléem. Kóhem dou yóm gónón sidek kegnómu du. Hol knoduhem ou, ne hnungolem dou yóm hnihu.

Kem Lingón 4:1 Referans Kwoze

2 Kurin 1:10

Bè yóm kdaw yó, lenwaen mi bè yóm tô khatay le kum, ne bud lenwaen mi snéen hulin kdaw.

Kem Lingón 119:132

Bninguyem ou, Dwata, ne hol knoduhem o, hol lómón yóm kkoduhem yó kem tau kembong nawa kóm.

Kem Lingón 25:16

Beklili ebéléu, Dwata, ne hol knoduhem ou, yakem wen sem dumuhu, lelen tey sidek kegnómu du.

Jirimaya 23:6

Bè yóm angat kogoten benwu, angat le gotu gewà yó kem tau bè Juda ne laen kô dù hemen le yó kem tau Israél. Yó angat taba le du, ‘Yóm Dwata mit kut tedeng.’

Kem Lingón 17:6

Yó gónów mni béléem, Dwata, abay se tngónu yóm kbalaem dou. Hol henklinguhem ou, hnungolem yóm knihu.

Hbakuk 3:19

Tendo hekgisen o yóm Dwata hol dandónen geta. Là bude tlokob, lómón yóm là ketlokob yó kem uhu ke mlóy le. Là kóe tlokob baluen ke mlane gu lem bulul. (Yóm tau gel malak sngal, yake hmung le bè yóm gel kenbit le yóm klingón le du nim ni.)

Isaya 45:24

Ne yó angat mon le, ‘Són uu, Dwata, gónón mlan yóm kegmò me bè kem hohon me, són uu bemlay kum kgis.’ Okóm kdê yó kem kmutó nawa dou, angat tey sidek kehyaku kul.

Kem Lingón 143:2

Hol béem tagad knukum ou yóm tau tóbóng lówóhem, abay se laen kô dù tau mowil talak tonok ke tedeng ktonem du.

Kem Lingón 57:1

Hol knoduhem ou, Dwata, hol knoduhem ou, tek són uu gónów gel hofin. Angate hebnos laan hafakem efet gotu mkó yóm tey lenos bong nii.

Kem Lingón 45:1

Tey dê kem udél knóón sut lem hendemu yóm igou lemingón du nim lingón ni ebè yóm tau hol geta bélê me. Yóm udél btang bè sumóngu, hol lómón yóm udél gel snulat yóm tau alì hulung smulat.

Kem Lingón 22:1

Ó Dwata, Dwatahe, moen de ke tódô bayaem se ou du? Tey ktabahu ebéléem anì tnóbóngem ou, okóm là kô dog bnalaem dou.

1 Samwél 17:37

Deng lenwà Dwata o lem knugu yó kem liyun ne dalang se bè yó kem bér ne bud lenwaen o snéen lem hólól yóm Flistin yóó.” Omin Sol mon du mò ke Dabid, “Yó ne, lemwóti. Dwata he mung kóm.”

2 Kurin 1:8

Wen bud hegtulón me bè nawa ye, kem dumu me setwoli, yóm tehe alì kehlayam le kum yó kem tau bè prubinsya Asya. Laen kem ofolem hmingón du yóm alì ksidek kegnóm me du bè yóm kdaw yó, ofo kum ke là bud me mowil.

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

Kem Lingón 76:1

Tey tótól Dwata bè benwu Juda. Tey megdóyón boluyen bè benwu Israél.

Kem Lingón 67:1

Ó Dwata, hol knoduhem mi, ne hol knudungem mi. Htonem kum yóm alì kehyu nawahem ebélê me

Kem Lingón 42:1

Tey khebel nawahu kóm, Dwata. Hol lómón ke yóm uhu mlóy, alì sidek kleengen mebel él.

Kem Lingón 31:8

Là kô blayem dou elem hólól yó kem hohonu, deng suem ou bè yóm gónón laen dù hemenu.

Kem Lingón 24:5

Tey angat kkudung Dwata kul yó kem tau yó, ne angat lenwaen lu ke wen gel gfà le. Bè yóm kkukumen kul, laen dù salà tonen bélê le.

Kem Lingón 11:7

Yakà tey tedeng kmoen yóm Dwata, ne hol nóyóen yó kem nmò tedeng. Yó kem tau mò du yóm tedeng, angat ton le lem uyó Dwata.

Kem Lingón 116:16

Ou se tóbóng lówóhem, Dwata. Nimónu uu hol lómón yóm tehe kimón yê kóm. Deng lenwaem ou lem hatay.

Kem Lingón 116:6

yóm Dwata tendo kenlungen yóm tau laen dù gmoen. Bè yóm tehe deng klonihen béléu hatay, lenwaen o.

Kem Lingón 56:1

Ó Dwata, hol knoduhem ou, abay se deng nundug le ou yó kem hohonu. Knoyung le kdaw mundug dou.

Kem Lingón 41:12

Lemwót bè yóm klaen dù sidek nmou, yó gónóm hlowil dou. Laen kô dù tul sónen yóm kehnóem do bè soluhem.

Kem Lingón 6:1

Ó Dwata, béem nudél ou ke mlan bè kebutem, ne béem abay tnafak ou ke hlanem bè alì kebutem.