Kem Lingón 39:7 - Udél Dwata: Gna Kesfasad ne Lomi Kesfasad

⁷ Duhen ni, Dwata, tau du de nefet nawahu? Tek són sem uu.

Kem Lingón 39:7 Referans Kwoze

Sulat Pol Ebè Yó Kem Tau Hemtahu Bè Rom 15:13

Yó hem Dwata hol bemlay kuy yóm kligal ne yóm kenek nawa lemwót bè yóm deng kehtahu ye béléen. Du se yóm nefet nawa tekuy. Ne lemwót bè yóm tey kfasang yóm Tulus Dwata gónón hol seflós temnù yóm hendón nefet nawa ye.

Kem Lingón 38:15

Uu se yóm dou nangat, Dwata. Uu se malà kul, yakà uu du yóm sana Dwata hol dou gónó mogot.

Kem Lingón 119:81

Botong laen dù bud kgisu mangat du yóm kehewaem do, okóm ken-gel nawahu yóm udélem.

Kem Lingón 119:166

Són nangatu yóm kehewaem do, Dwata, ne deng nimónu yó kem hlauhem.

Tekang Kbuten 49:18

Ó Dwata, uu se yóm hol nangatu mò lemwà kum.

Kun Snulat Luk 2:25

Bè yóm kdaw yó, wen sotu tuha logi nô bè Jirusalim boluyen Simyun. Nim tau ni, tedeng knawahen, ne tey klikoen ke Dwata. Sal gel nangaten yóm kehewà Dwata kul yó kem tau Israél. Tendo nô béléen yóm Tulus Dwata,

Job 14:2

Mahil me lemnok ne mahil me se matay lómón yó kem bulók, mahil le menes. Mahil me lana lómón yóm klahil klana yóm olung lobun.

Kem Lingón 49:11

Yóm gónó le lembeng kul, yó se hlós kul gónó nô. Laen kô dù sónen yóm knô le bè yó, balù yóm kwen tey tehe tonok nfun le ekni.