Kem Lingón 34:3 - Udél Dwata: Gna Kesfasad ne Lomi Kesfasad

³ Gbót ye béléu tmulón du yóm tey kegeta Dwata. Hol dóyón tekuy dé boluyen.

Kem Lingón 34:3 Referans Kwoze

Kem Lingón 69:30

Duhen ni, Dwata, angat tey kdóyónu kóm hlanu bè klingónu. Ne heglalagu yóm tey kegetahem hlanu bè yóm kdóyónu kóm.

Kun Snulat Luk 1:46

Yó mon Midi se kun, “Tey bong kdóyónu du yóm gónóhu mogot

Kem Lingón 40:16

Okóm yó kem tau tendo gel hloni ebéléem, yake hol le hligal. Yó kem tau alì hyu nawa le lemwót bè yóm deng kehewaem kul, yake hol mon le, “Tey kegbeken yóm Dwata.”

Kem Lingón 66:8

Ó kem tau bè klamangen benwu, hol dóyón ye yóm kum Dwata, hol sngal ye yóm kdóyón ye du.

Kem Lingón 35:27

Okóm hol benlayem lu kligal yó kem tau mfi dou. Tendo gel mon le, “Hol megdóyón Dwata. Hyu nawahen tmóbóng yóm tau tóbóng lówóhen.”

Deng Hegfan 14:7

Tódô hgelen udélen, monen, “Hol nadat ye Dwata. Hol sendóyón ye dé yóm tey kegetahen. Deng hto ne yóm butengen kmukum kem tau. Hol dóyón ye se yóm Dwata deng tehe mò yóm longit ne yóm tonok ne yóm mohin kkólen bè yóm kdéen él tembul.”

2 Tutul Israél 29:30

Omin yóm tau hol geta ne yó kem genlalen mdók yó kem sfu Libay anì sngal le yóm sngal dmóyón ke Dwata tehe nmò Dabid ne Asaf yóm tau gel wen hton Dwata du. Duhen yó, tey kehligal le dmóyón ke Dwata, gotu le kudung ne mtud le bukol bè tonok, ne tmaba le ebè Dwata.

1 Tutul Israél 29:20

Omin Dabid mudél ebè kdê yó kem tau deng stifun, monen, “Hol dóyón ye yóm sana kuy Dwata hol gónó mogot.” Tahu se, ya tey kdóyón le ke Dwata yóm kdê le deng stifun bè yó, dóyón le yóm Dwata yó kem tehe fù le. Gotu le kudung, tud le bukol le bè solu Dwata ne bè solu yóm tau hol geta bélê le.

Kul Nmò 19:17

Tódô kdéen tau bè Ifisus, kem Ju ne kem tau là Ju le, gotu temngón du yóm gfà le yó koni. Ya tey sidek klikò le, ne tendo temnù któtólen yóm boluy Jisas, yóm hol gónó mogot.

Flipay 1:20

Yó hol nô lem nawahu, ne hol sen-galuhu ke senflósu mò du yóm deng sigang Dwata tahu. Kóyóu ke laen dù tul klikou tmulón ke Krays, sélét ne nim kmoen ni, anì hol megdóyón béléu Krays, kihu ke mlan bè dou klowil duhen ke mlan bè katayu.

1 Tutul Israél 16:10

Hligal tekuy abay se tey mólós yóm kun boluy. Yóm kdê tekuy gel tmaba ebéléen, hol tekuy hligal.

Kem Lingón 69:33

Yóm Dwata, gel hnungolen yó kem tau élél gel htóbóng béléen, ne là kô klifóten kul yó kem kun tau deng geblanggù.

Jirimaya 9:23

Yó bud udél Dwata, monen, “Yóm tau hulung hedem, hol béen abay salù yóm khulungen hedem yó. Dalang se yóm tau alì kemgis, hol béen abay salù yóm kekgisen. Yóm tau wen kendengenen, hol béen abay salù yóm kwen kendengenen.

Jirimaya 9:24

Ke wen tau móyô megsalù, yó dé salù le yóm ketngón le dou ne yóm ketnef le yóm dou kmò. Salù le ou dé yóm Dwata tedeng kkukumen ne tedeng kmoen. Ne yóm kbong nawahu tau là kóen monol. Ni kem ni koni gónóhu hligal. Ou se Dwata nim mudél ni.”