Kem Lingón 32:2 - Udél Dwata: Gna Kesfasad ne Lomi Kesfasad

² Hligal yóm tau là bud snolò Dwata du béléen yó kem sidek deng tehe gel nmoen, ne laen dù bud blóngen ebè Dwata.

Kem Lingón 32:2 Referans Kwoze

Kun Snulat Jan 1:47

Timbow ton Jisas Natanyél mógów ebéléen, wen tulónen gbak ebéléen, yó monen, “Ni sii yóm hol tahu tau Israél abay se laen kô dù kéngen.”

Deng Hegfan 14:5

Laen kô kéng le ni kem tau ni, ne laen se kô bang gónó le gemsanil kul yó kem dumu tau.

2 Kurin 1:12

Sotu gónó me gel hligal, abay se tódô tngón me laen kô dù belenen yóm kmò me ebè kem dumu me tau, hol néen yóm gel kmò me ebélê ye. Laen kô bang buni me bélê ye se, ne tódô tngón Dwata snéen yóm kgotu nawa me ebélê ye. Bè yóm kmò me du nim nmò me ni, là kô tódô salig me du yóm kum ketngón, sal gel snalig me yóm kfasang Dwata tmóbóng kum.

Sulat Pol Ebè Yó Kem Tau Hemtahu Bè Rom 5:13

Gu laanen là deng wen hlau hlolò Dwata kul, deng kem gegna ne yóm kegsalà tau. Okóm là deng snolò Dwata du bélê le he yóm kegsalà le yó, abay se là dengen wen hlau hloloen kul.