Kem Lingón 32:1 - Udél Dwata: Gna Kesfasad ne Lomi Kesfasad

¹ Hligal le kul yó kem tau deng hnifót Dwata bélê le yó kem salà le, ne ke là bud hendem Dwata du yó kem deng tehe gónó le mulé du.

Kem Lingón 32:1 Referans Kwoze

Isaya 44:22

Yóm kkóhu du bélê ye yó kem salà ye hol lómón ke muku lobun kmou du. Bud ye semfulék ebéléu dé, ou se yóm lemwà kuy.

Kem Lingón 85:2

Deng gotu hnifótem salà yó kem kóm tau. Tahu se, deng gotu kóhem bélê le kdê salà le.

Isaya 43:25

Igoen ou yóm Dwata tódô hmifót yó kem salà ye. Yó gónóhu hmifót du abay se ou se Dwata. Là kô bud snolou du bélê ye ne yó kem salà ye.

Deng Hegfan 22:14

Bong kehligal le kul yó kem tau deng eles nfuk le yó kem nes le efet deng mólós anì wen kwalis le ghusek bè bak tikeb yóm syudad yó, ne wen kwalis le snéen mken du yóm bungu yóm koyu hlowil tau.

Isaya 1:18

Bud mon Dwata, “Hendeng tekuy ne yóm sentulón tekuy. Deng tódô hitem ktonu kuy lemwót bè yó kem salà ye, okóm angat nolobu yu anì baling ye hol mólós. Anien he ke lómón khitemen using kuleng yóm salà ye, bè yóm kolobu kuy hol lómón kbukay ye yóm snu.

Kem Lingón 40:4

Hligal le kul, yó kem tau smalig ke Dwata. Là kô le smalig ebè yó kem tau heklabak, duhen ke mung le tmaba bè yó kem dwata kéng.

Kem Lingón 106:3

Hligal le kul yó kem tau ke tedeng nmò le bè kem dumu le, ne ke tendo nmò le yóm hyu.

Kun Snulat Luk 11:28

Okóm yó mom balà Jisas du, monen, “Milud he kehligalen yóm tau ke hnungolen yóm udél Dwata, ne nimónen.”

Kem Lingón 53:1

Yó mon nawa yó kem tau là hulung le hedem, “Laen kô dù Dwata.” Yó kem tau mon du yóm yó, hono kem tau mò sidek, nmò le yóm nmò alì kenyó. Laen dù bélê le mò du yóm tedeng, balù sotu.

Kem Lingón 42:1

Tey khebel nawahu kóm, Dwata. Hol lómón ke yóm uhu mlóy, alì sidek kleengen mebel él.

Matyu 16:17

Mon Jisas se mò ke Pitér, “Tey hyu kóm Simun ngà Jan, abay se là lemwóten bè tau yóm kdilóem do, okóm tódô lemwót bè Mà bè longit.

Kem Lingón 128:1

Hligal le kul yó kem tau wen klikò le ke Dwata, yó kem tau gel mò du yó kem hloloen kul.

Kem Lingón 89:15

Tey le hligal yó kem tau tmaba ebéléem hlan le bè sngal le. Tendo nmò le yóm gónón hyu nawahem ebélê le.

Kem Lingón 84:12

Tey bong kligalen yóm tau smalig béléem, Dwata, yakà uu du yóm Dwata laen dù là gbeken du.

Kem Lingón 52:1

Ó tau kemgis, moen de ke tendo hen-gmónem yóm kmoem sidek bè yó kem tau mimón ke Dwata?

Kem Lingón 45:1

Tey dê kem udél knóón sut lem hendemu yóm igou lemingón du nim lingón ni ebè yóm tau hol geta bélê me. Yóm udél btang bè sumóngu, hol lómón yóm udél gel snulat yóm tau alì hulung smulat.

Kem Lingón 55:1

Ó Dwata, hol hnungolem dou yóm hnihu. Hol béem là kenmón yóm kehtóbóngu béléem.

Nihimaya 4:5

Hol béem abay bayà yóm sidek nmò le bélê me ni ne béem abay hnifót yó kem salà le, yakà alì henwog le mi bè yóm kmò me nmò.”

2 Samwél 12:13

Yó udél Dabid ebè Natan, monen, “Denge gemsalà bè Dwata.” Ne yó mon Natan mò du, “Tahu se, bede deng hnifót Dwata uu, là kói matay.

Kem Lingón 103:3

Gotu hnifóten kdê salau, ne gotu kóhen kdê desu.