Kem Lingón 30:3 - Udél Dwata: Gna Kesfasad ne Lomi Kesfasad

³ anì là hlóse elem lebeng. Deng bud hlowilem ou, Dwata, anì là hlóse elem hatay.

Kem Lingón 30:3 Referans Kwoze

Kem Lingón 86:13

abay se tey kbong nawahem dou. Deng lenwaem ou gu lem hatay.

Kem Lingón 28:1

Ó Dwata, ebéléem yóm gónóhu e tmaba, uu se yóm henged botu mbegel gónów gel heklung. Hol béem abay là hnungol ou. Ke là hnungolem dou, hol lómón ke ou yóm tau móyón matay.

Kem Lingón 16:10

abay se tendo hensengem ebéléu yóm hatay. Lemwót bè yóm tendo gel kimónu kóm, là kô angat bayaem dou ebè yóm benwu yó kem tau deng matay.

Kem Lingón 116:8

Deng lenwà Dwata o bè yóm hatay. Kóhen yóm gónóhu gel mkik, ne hensengen ke wen gónóu btang.

Kem Lingón 71:20

Deng tey kehlayamem dou, okóm angat bud hlowilem ou. Hol lómón ke bud hlowilem ou gu lem lebeng.

Kem Lingón 56:13

Yakà deng lenwaem ou lem hatay, ne deng tnóbóngem ou anì là tlokobe. Duhen ni, elese tendo nô bè soluhem, Dwata, nóe bè yóm kóm layag tendo hlowil dou.

Job 33:28

Deng lenwà Dwata o bè benwu yó kem tau deng matay ne ni denge bud mowil ne deng bud gel hlayag Dwata klowilu.’

Kem Lingón 107:20

Gotu kóhen yó kem des le lemwót bè tek olo udélen, yó gónó le là hlós matay. Ne lenwaen lu bè yóm tô hatay le.