Kem Lingón 3:8 - Udél Dwata: Gna Kesfasad ne Lomi Kesfasad

⁸ Són béléem se, Dwata, gónón lemwót yóm kegmò me bè yó kem hohon me. Dwata he hol tmóbóng yó kem kóm tau.

Kem Lingón 3:8 Referans Kwoze

Isaya 43:11

Tek sotuhu Dwata, tek sotuhu gembek lemwà kuy.

Juna 2:9

Okóm do, angat sngalu yóm sngal dmóyón kóm ne demsue ebéléem ne hol nmou he yóm deng fasadu kóm. Abay se yóm kegewà gu lem hatay, són béléem gónón gu lemwót, Dwata.”

Husiya 13:4

“Ou se yóm sana kuy Dwata hol gónó mogot, yóm deng tehe lemwà kuy gu bè Idyip yóm benwu tehe gónó ye ghesek. Laen dù dumu Dwata ye, tek sónen o. Laen dù dumu lemwà kuy, tek sónen o.

Deng Hegfan 7:10

Tey kehgel le udél le, mon le, “Deng tekuy gewà gu lem hatay lemwót bè yóm Dwata tekuy, yóm nô bè gónón myón kmamal, ne lemwót bè yóm Ngà Ubihahen.”

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

Kul Nmò 4:12

Duhen yó,” mon Pitér, “Tek són Jisas gembek lemwà tekuy gu lem hatay. Laen kô dù dumu tau talak tonok ke gónó Dwata hlan du yóm kegewà tekuy, tek són Jisas.”

Kem Udél Hlalak Tehe Selumun 21:31

Baluen he ke deng eles hentifes yó kem kudà mò gel nit sfatay, okóm són Dwata gónón gel lemwót yóm kegmò.

Kul Nmò 3:26

Duhen yó,” mon Pitér, “deng nélék Dwata Jisas mò hógówen. Deng gna hógówen elem blóng tekuy mò tmóbóng tekuy, yóm ket tekuy na sotu, anì knogol tekuy yó kem sidek gel nmò tekuy.”

Kem Lingón 72:17

Yake laen dù kmifót du boluy yóm tau hol geta bélê me, ne anì laen dù tul sónen yóm któtólen, lómón yóm klaen dù tul són yóm nóng kdaw. Yóm kdéen dumu benwu, yake gotu le mni bè Dwata anì tnóbóngen lu, lómón yóm gel któbóngen yóm tau hol geta bélê me.

Jirimaya 3:23

Yóm gel ktaba me ebè yó kem dwata kéng ne yóm kessamuk me gu ta yóm kdéen bulul, hono là hyuhen. Tek són bè yóm sana kum Dwata hol gónó mogot gónó me gewà.

Deng Hegfan 19:1

Kogol ni kem ni, tódô gungolu yóm tey genged udél tau sbung bè longit, tódô le gotu segeng mon du, “Dóyón tekuy dé Dwata. Du se yóm lemwà tekuy gu lem hatay. Tek sónen du se yóm hol geta ne yóm hol mfasang.

Kem Lingón 29:11

Dwata se bemlay kul kgis yó kem tauhen. Du se bemlay kul kenek nawa.

1 Pitér 3:9

Bê ye abay bnalà sidek yó kem tau mò sidek bélê ye. Ke wen tau semdekà kuy, bê ye bud semdekà se kuy. Yó dé balà ye du, duhen yóm hyu bélê le. Abay se bè yóm tehe ktaba Dwata kuy, yó fasaden kuy yóm hyu bélê ye.

Hibru 6:14

Yó monen mò ke Abraham, “Yó fasadu kóm, tnóbóngu uu, ne hol hbólu yó kem lugodem.”Ne tahu se, là kóen tmakas Abraham mangat du efet gutahen yóm deng fasad Dwata du yó.

Lista 10:35

Kesok bang le gel hewót du yóm Slungan Fasad tukô gna kul yó, yó gel udél Musis, monen, “Yó ne, Dwata, tukói gna kum. Gotu senklahem lu yó kem hohonem, gotu hlóyem lu yó kem tau kmutó nawa kóm.”

2 Samwél 23:12

okóm ke Sama kun, tódô mdà tebel bè yó bè gónón sóól blotung, ne hnatayen yóm kdê sendalù Flistin sut bè yó. Duhen yó, tey bud kehegmò Dwata kul bè yóm kdaw yó.

Kem Lingón 9:20

Heslafem lu bè klikò le, Dwata. Hegnómem kul olo le tau tonok se kul.

Kem Lingón 31:16

Hol hendemem yóm tau tóbóng lówóhem. Lenwaem ou mlan bè yóm kbong nawam dou là monolen.

Kem Lingón 58:7

Hol heklanasem lu lómón kekti yóm él bè gónón mékéng tonok. Ne lómón yóm bnes nô bè gónón gel mlan tau, sal gel menes.

Kem Lingón 119:94

Hol lenwaem ou, yakà uu du mfun dou. Deng hotuhu gelu mimón du yó kem hlauhem.