Kem Lingón 3:6 - Udél Dwata: Gna Kesfasad ne Lomi Kesfasad

⁶ Bè yóm sfolò libu kem hohonu semibut dou, là kóe na a likò kul.

Kem Lingón 3:6 Referans Kwoze

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

Kem Lingón 23:4

Baluen he ke mlane lem yóm hol gónón alì mget kifu, là kóe likò, Dwata, abay se elesi nô béléu. Yó se gónón menek kegnómu du lemwót bè yóm tendo kesgalakem dou ne yóm kofinem dou.

Kem Lingón 46:7

Nô bélê tekuy yóm Dwata laen dù là gbeken du, yóm Dwata hol gónó tekuy mogot. Du se yóm Dwata tehe Jakub, ne du se mò gónó tekuy e mlo.

2 Samwél 18:7

Là kô le gemmò yó kem sendalù Israél bè yó kem sendalù Dabid. Ya tey kdê tau matay bélê le bè yóm kdaw yó, botong lewu folò libu tau.

Kem Lingón 46:2

Duhen yó, hol bê tekuy abay hlikò, anien ke sut linol bong megsinsig klamangen benwu, ne ke gotu stunal elem mohin yó kem bulul.

Kem Lingón 2:2

Ne yó kem tau hol geta bélê le, deng le eles htigel mit sgida. Ne natù le Dwata ne yóm tau hol geta deng néléken.

Kem Udél Hlalak Tehe Selumun 3:24

Ne ke soki lemwót tungô laen dù knikoem ne tilob ktungóem.

Kem Udél Hlalak Tehe Selumun 6:22

abay se yóm kul gel tolok malak yóm kóm klan, gel bnenteyen u ke kifu ne gel hnauhen u ke kemdaw.