Kem Lingón 3:4 - Udél Dwata: Gna Kesfasad ne Lomi Kesfasad

⁴ Denge hkodu bè Dwata, ne kendel bnalaen ou lemwót ditu bè yóm bulul gónóhen gel nô.

Kem Lingón 3:4 Referans Kwoze

Kem Lingón 34:4

Bè yóm tehe knihu bè Dwata, bnalaen ou se. Gotu kóhen béléu yóm kdê gel knikou.

Kem Lingón 91:15

Ke tmaba le ebéléu, bnalau lu. Ke wen gfà le, elese nô bélê le. Tendo gel lenwau lu, ne tey kadatu kul.

Isaya 65:24

Baluen ke tolo lel le mni ebéléu, deng eles gegna ne yóm kbalau kul.

Kem Lingón 34:6

Gel le mni tóbóng béléen yó kem tau laen dù tmóbóng kul, ne bnalaen lu. Hewaen lu gu lem yóm kdê gónó le glayam.

Sulat Jim 5:13

Ke wen bélê ye wen gónón glayam, yake hol mni bè Dwata dé. Ke wen bélê ye hligal, yake hol dóyónen Dwata hlanen bè kesngalen.

Matyu 7:7

Bud mon Jisas, “Ke wen hni ye bè Dwata, angat guta ye. Ke wen hnebel ye, tódô ton ye. Ke mbal ye gu bak sut, tódô wen hotun kuy.

Kem Lingón 43:3

Hlayagem dou dé lanu. Hfungolem dou yóm ktahuhen lemwót béléem. Yóm layagem yó ne yóm ktahuhen lemwót béléem, yó mò fen semgalak dou mulék ebè Sayun, yóm kóm bulul, ne ebè yóm kóm Gónô bè yó.

Kem Lingón 2:6

Yó udélen ebélê le, “Ngem yóm tau deng kenbê ye mò mogot kuy, deng hyónu bè yóm dou bulul Sayun mò mogot benwu.”

Kem Lingón 138:3

Bè yóm gel knihu béléem, gel bnalaem o. Sal gel ten-gelem nawahu mlan bè kehekgisem dou.

Kem Lingón 99:9

Hol dóyón tekuy yóm sana kut Dwata hol gónô mogot, ne tmaba tekuy ebéléen bè yóm kun bulul bè Jirusalim, abay se laen kô dù belenen yóm sana kut Dwata hol gónô mogot.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Kem Lingón 18:3

Tmabahe ebè Dwata, yóm knóón sendóyón, yakà gel lenwaen ou lem hólól yó kem hohonu.

Kem Lingón 27:6

Yó gónóhu gemmò bè yó kem hohonu hmilol dou. Ya tey kligalu, botonge mensag bè yóm kedsuu ebè Dwata bè Gónóen, lelu lemingón ebéléen lanu dmóyón du.

Kem Lingón 28:7

Dwata yóm gel temgel dou, ne bud du se kemlung dou bè yó kem sidek. Hol lemwót lem but blututu yóm ksaligu du. Tendo tnóbóngen ou, ne ya tey kligalu. Gel utómu lingón yóm kdóyónu du.

Kem Lingón 62:8

Ó kem dou tau, hol tendo snalig ye Dwata. Tulón ye du yó kem blat nô ta ye, abay se Dwata se yóm gónó tekuy e mlo.

Kem Lingón 84:12

Tey bong kligalen yóm tau smalig béléem, Dwata, yakà uu du yóm Dwata laen dù là gbeken du.

Kem Lingón 89:19

Ó Dwata, wen tehe hegfanem ekni bè yó kem tau tóbóng lówóhem alì teneb. Yó tehe monem mò kul, “Deng tnóbóngu yóm sotu sendalù alì tótól bè kwiten sfatay. Deng néléku lem blóng yó kem dumuhen mò henbalingu tau hol geta mogot benwu,

Kem Lingón 119:114

Uu se yóm dou gónó e hles ne dou gónó heklung. Són udélem yóm tendo gónón mefet nawahu.

Kem Udél Hlalak Tehe Selumun 2:7

Ne du se bemlay khulungen mit ktauhen yóm tau tedeng kmoen ne bud du se kemlung du yóm tau laen dù belenen yóm kun kmò.