Kem Lingón 3:3 - Udél Dwata: Gna Kesfasad ne Lomi Kesfasad

³ Okóm, Dwata, uu se kemlung hmilol dou, uu se hegmò dou, bud uu se tendo hfól nawahu.

Kem Lingón 3:3 Referans Kwoze

Kem Lingón 27:6

Yó gónóhu gemmò bè yó kem hohonu hmilol dou. Ya tey kligalu, botonge mensag bè yóm kedsuu ebè Dwata bè Gónóen, lelu lemingón ebéléen lanu dmóyón du.

Kem Lingón 28:7

Dwata yóm gel temgel dou, ne bud du se kemlung dou bè yó kem sidek. Hol lemwót lem but blututu yóm ksaligu du. Tendo tnóbóngen ou, ne ya tey kligalu. Gel utómu lingón yóm kdóyónu du.

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Kem Lingón 119:114

Uu se yóm dou gónó e hles ne dou gónó heklung. Són udélem yóm tendo gónón mefet nawahu.

Isaya 60:19

Bè yóm kdaw kehewau kóm yó, laen dù bud muhem du ne yóm nóng kdaw duhen ke nóng bulón. Abay se ou yóm gónóhem mogot mò layagem laen dù tul sónen. Yóm alì keslinangu, yó se tódô seflós mnóng ebéléem.

Kem Lingón 62:7

Sal lemwót bè Dwata yóm kegewau, dalang se yóm kadat le dou yó kem tau, bud lemwót bè Dwata. Du se dou gónó e mlo, yóm botu gónóhu gel heklung. Laen dù bud hohonu sut béléu bè yó.

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

Kem Lingón 18:2

Dwata se dou botu gónó heklung, gónóhu hofin, ne du se lemwà dou. Dwata se yóm dou botu gónó e mlo. Du se gónów heklung, kun kgis hewà dou, ne du se dou gónó hofin hol mbegel.

Deng Hegfan 21:23

Ne laen kô dù nóng kdaw duhen ke nóng bulón bè yóm syudad yó, abay se yóm layag Dwata tódô seflós mnóng bè yó, ne yóm Ngà Ubiha henged soloken.

Kem Lingón 110:7

Okóm kun, angat minum bè yó kem él lemnek mlel hilol lan anì mulék ebéléen kgisen. Angat gemmò.

Kem Lingón 4:3

Ni hol hendem ye. Deng eles hetfing Dwata mò kun yóm tau tedeng kmoen. Ke tmabahe ebéléen, hnungolen ou.

Deng Hegfan 21:11

Tódô sminang lemwót bè yóm tey layag Dwata. Lómón keslinangen yóm sotu botu mebtes boluyen dyaspér, yóm botu hol lómón ke sobuy molung ktikawen.

Kun Snulat Luk 2:32

Du henged layag mò hegfan yóm kóm kóyô bè yó kem dumu tau là Ju le, ne bud du se gónón lemwót yóm angat kdóyón le kum mi kem tau Israél.”

Dwata 33:29

Ó kem tau Israél, tey kligal ye kuy. Laen dù semnged kuy yu kem tau deng lenwà yóm sana kuy Dwata hol gónó mogot. Dwata se yóm kuy klung ne kuy sudeng mò mofin kuy ne hegmò kuy bè yó kem hohon ye. Yó kem hohon ye, angat le msut na le e hkodu bélê ye, okóm angat gotu genlà ye lu.”

Tekang Kbuten 40:13

Tlu ni duen kehewà Faro kóm. Hnifóten uu ne bud huléken uu bè yóm nmoem. Angat bud gel oguhem du yóm tegayanen lómón yóm sana gel nmoem béléen.

Isaya 45:25

Tek són ou angat lemwà yó kem semfu gu bè tehe Jakub ne tey kdóyón le do.”

2 Bok Kem Tau Hol Geta 25:27

Timbow bè yóm deng getluhen folò hitu halay kegen Jihuyakin blanggù bè Babilun, yó bud tles mogot yóm benwu Babilun, duhen Ibil-mirudak. Tey tilob knawahen ebè Jihuyakin se kun, ne bè yóm gewuhen folò hitu kdaw bè yóm gesfoloen lewu bulón, botong hewaen lem blanggù Jihuyakin.

2 Bok Kem Tau Hol Geta 18:30

Hol bê ye abay mung ke niten yu smalig bè Dwata, ke monen, ‘Angat lenwà Dwata tekuy. Là kóen gnô lem hólól yóm tau hol geta bè Asirya yóm syudad tekuy ni.’

2 Bok Kem Tau Hol Geta 18:32

efet nwitu yu mayuk ebè yóm benwu angat gónó ye henek nô, benwu hol skél bè nim kuy benwu ni, benwu alì hmalay ne tmifas, alì wen mambangen ne grépen, benwu wen koyu uliben, ne wen tneben, benwu gónó ye mowil. Hol bê ye abay hnungol yóm ksukat Hisikaya kuy ke monen, ‘Angat lenwà Dwata tekuy.’