Kem Lingón 27:4 - Udél Dwata: Gna Kesfasad ne Lomi Kesfasad

⁴ Sotu alì gel hnihu bè Dwata, tek sotu yóm hol nóyóu béléen. Yó hnihu, bè klawihu mowil ke tendohe nô lem gónóen, anì tendo gtanudu yóm tey keklóónen, ne anì tendohe hesgalak béléen.

Kem Lingón 27:4 Referans Kwoze

Kem Lingón 26:8

Tey bong nawahu du yóm Gónóem, Dwata, yóm gónóhen gfan yóm keslinangem.

Kem Lingón 23:6

Tngónu là kóen skó yóm któbóngem dou dalang se yóm kkoduhem dou efet kól bè kukol towoku. Ne sok bangen hto yóm hutusem dou, tódóe hlós menek béléem bè yóm kóm gónô. Ne laen kô dù tul sónen yóm knóu dyó béléem.

Kem Lingón 65:4

Hligal le kul yó kem tau nélékem, yó kem tau nitem edyó béléem bè kóm Gónô. Tey kegsengel nawa me du yó kem hyu nô lem Gónóem, ne yó kem tóbóngem kum lemwót lemen.

Kem Lingón 84:4

Tey kligal le yó kem tau nô bè Gónóem. Sónmò le semngal yó kem sngal dmóyón kóm.

Kem Lingón 84:10

Anien ke tek sendawu nô bè Gónóem, Dwata, bong hyu he yó senta ke lemibu kdawu nô bè lewà. Mom hyu nawahu ke ou fen mentey bè bak tikeb yóm Gónóem senta ke nóe lem kul gónô yó kem tau mò sidek.

Kun Snulat Luk 10:42

Tek sotu se yóm bong muhen, duhen yóm deng kun nélék Midi, yóm laen dù bud gemwa du béléen.”

Kem Lingón 27:8

Deng monem se mò dou, “Na hlonihi sen.” Ne deng monu se mò kóm, “El, hlonihe ebéléem, Dwata.”

Matyu 6:33

Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.

Jirimaya 29:13

Ke hnebel ye ou angat ton ye o. Ke hotu ye nawa ye mebel dou ton ye ou.

Flipay 3:13

Bè ktahuhen, kem dumuhu setwoli, là deng gutahu du he ni kem ni. Okóm tek sotu ne nmou ni kmoen ni, tódô klifótu yóm gnahen, hotuhu gelu anì gutahu yóm hol nalu nawahu.

Hibru 11:6

Ke là hemtahuhen yóm tau, là kô gbeken hefligal ke Dwata. Ke wen tau tô hloni ebéléen, là gbeken du ke là hentahuhen du yóm kwen Dwata, ne yóm kwen ofol blayen bè yó kem tau hloni ebéléen.

Kem Lingón 90:17

Hol senflósem kmudung kum, Dwata, yakà uu du yóm mogot kum. Knudungem mi anì wen gónón e kól yóm kdê nmò me.

2 Kurin 3:18

Duhen yó, kdê tekuy deng hemtahu, deng gfan lem uyó tekuy ne yóm kun keslinang yóm gónó tekuy mogot, ne laen kô dù bud sengen ne. Yóm gfan bélê tekuy yó, hol lemwót gu bè yóm gónó tekuy mogot. Bè yóm igò tekuy temngel ebéléen, igoen hembaling tekuy mò mkél béléen, ngangen mò du efet tekuy hol mkél du. Yóm gónó tekuy mogot yó, du se yóm hol Tulus Dwata.

Danyél 9:3

Yó gónóhu tódô smolu ebè yóm sana kum Dwata hol gónó mogot hkoduhe béléen, balù udì ke mkene bè yóm kehkoduhu yó lelu mnes sakù, tódóe myón lem kohù bè yóm klangagu.

Kem Lingón 50:2

Lenwóten bè Bulul Sayun yóm bulul tódô ket du ktiloben, gónón gfan yóm tey keslinang Dwata.

Kun Snulat Luk 18:1

Bud wen hlingón tulón Jisas yó kem gel lemolò du mò gónó le dmalang yóm là ktakas le mni bè Dwata anì là kendelen gel hlóng sidek kegnóm le du.

2 Kurin 4:6

Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.

Kun Snulat Luk 13:24

“Yóm lan ebè yóm klowil laen dù sónen, hol lómón ke bak dól sikeb. Hotu ye són gel ye husek edu, abay se angat tey dê tau móyô husek elemen hulin kdaw, okóm là kô le gusek elemen.

1 Timuti 5:5

Yóm libun bolu tahu laen bang gónón ma, tek són Dwata dé gónón hefet nawan, ne là kóen skó tendo knihen bè Dwata, keten kifu ne keten kdaw.

Sikaraya 9:9

Yó bud udél Dwata, monen, “Ó kem tau bè Sayun, hol ye hligal dé. Hol ye hligal mensag dé, kem tau bè Jirusalim. Ngem, sut lem blóng ye yóm tau hol geta bélê ye. Tey tedeng kmoen ne gel gemmò bè yó kem hohonen, lelen hulung heglaan, tódô smakay kudà asnu, snakayen yóm ngà natihen.

Kem Lingón 26:6

Nolobu tdoku mò gónów hegfan yóm klaen dù salau. Mógówe lemibut yóm gónó me gel demsù ebéléem, Dwata,

1 Samwél 1:11

Wen fasad mget nmoen bè Dwata, monen, “Ó Dwata yóm Dwata laen dù là gbeken du, hol tenngelem o yóm sotu tóbóng lówóhem. Hol tenngelem yóm gónón sidek kegnómu du. Ke hentulónem o nawa ne ke bnalaem yóm hnihu ne ke hngaem o logi, wen fasadu kóm. Bud blayu kóm yóm ngà yó bè yóm klawihen mowil ne là kô gel kenleng du weken mò ilô yóm deng kehetfing du ebéléem.”

1 Samwél 30:8

Omin Dabid smólók ke Dwata, “Ktesu lu kô ni kem tau mundug ni? Angat gutahu lu kô?” Ne yó balà Dwata du, monen, “El, ktesem lu. Angat gotu bud gwa ye yóm kdê deng negef le bélê ye.”

1 Samwél 22:10

Snólók Ahimélék bè Dwata ke tedu nmò Dabid. Ominen bemlay du ken ne bud blayen du yóm sudeng Gulayat yóm tau Flistin.”