Kem Lingón 27:3 - Udél Dwata: Gna Kesfasad ne Lomi Kesfasad

³ Anien ke deng snibut le ou yó kem tey sendalù wen, là kóe na a likò. Anien ke nundug le ou yó kem hmohon dou, mom mbegel yóm ksaligu ke Dwata.

Kem Lingón 27:3 Referans Kwoze

Kem Lingón 3:6

Bè yóm sfolò libu kem hohonu semibut dou, là kóe na a likò kul.

1 Pitér 3:14

Okóm baluen se ke wen hemsidek kuy lemwót bè yóm hyu gel nmò ye, wen kligal ye du myó. Bê ye hlikò, ne bê ye htafa nawa ye.

Flipay 1:28

Bê ye abay hlikò bè yó kem hmohon kuy, hol hgel ye nawa ye dé. Lemwót bè yóm là klikò ye, yó se gónó le dmilô du yóm klaen dù gmò le, ne yóm katù ye bélê le. Abay se monem lemwót bè Dwata yóm katù ye yó.

Deng Hegfan 2:10

Hol bê ye abay knikò yóm hlayam móyón sut bélê ye. Ngem móyón wen bélê ye geblanggù lan Seitan tmilów yóm kehtahu ye. Bede olon gefet bè sfolò kdawen yóm keglayam ye yó. Bê ye abay honol nawa ye ebéléu, baluen ke matay ye du, abay se angat benlayu yu yóm klowil laen dù sónen mò ofol ye.

Job 4:6

Là mgel nawahem du kô yóm tendo gel klikoem ke Dwata? Ne yóm kgulit nawahem, là yó du kô nefet nawam bè yóm któbóng Dwata kóm?

Kem Lingón 52:6

Yó kem tau gel mò du yóm tedeng, angat ton le nim ni ne tey sidek ketnga le. Angat knuli le uu, yó mon le,

2 Tutul Israél 20:15

Yó udélen bè yóm tau hol geta, monen, “Hmungoli, Jihusafat. Ne yu kem tau bè Juda ne kem tau bè Jirusalim, hol ye hmungol se kuy yóm kdê ye. Ni se udél Dwata ebélê ye, monen, ‘Hol bê ye abay hlikò. Hol bê ye abay hunu nawa ye bè yó kem tey genged sendalù yó, abay se Dwata mit kul sgida, là kô yu du.’

1 Samwél 19:8

Là legenen bè yó bud le sgida kem tau Israél yó kem Flistin. Nalak Dabid yó kem sendaluen bè yóm kesfatay le yó. Ya tey kwit Dabid kul sfatay yó kem Flistin ne tódô le gotu mlóy.

Kem Lingón 3:7

Géhéli Dwata yóm Dwata hol gónóhu mogot, hol lenwaem ou. Hol tnafakem lu yó kem hohonu. Kóhem bélê le yóm kgis le hemsidek dou.

Kem Lingón 112:7

Là kô le likò anien ke sidek tulón sut bélê le, abay se tey mbegel ksalig le du yóm kehtahu le ke Dwata, mò semgyok kul.