Kem Lingón 26:8 - Udél Dwata: Gna Kesfasad ne Lomi Kesfasad

⁸ Tey bong nawahu du yóm Gónóem, Dwata, yóm gónóhen gfan yóm keslinangem.

Kem Lingón 26:8 Referans Kwoze

Kun Snulat Luk 2:49

Omin Jisas malà kul, monen, “Moen de ke hnebel ye ou? Là tngón ye du kô yóm naw na knô bè gónô Mà?”

Kun Snulat Luk 2:46

Bè getluhen kdaw, ton le lem Gónô Dwata, myón lem blóng yó kem tau gel tmolok hlau. Hnungolen lu, ne wen se gel snólóken bélê le.

Kem Lingón 122:9

Sotuhen, mdà bè yó yóm Gónô Dwata yóm Dwata gónó tekuy mogot. Yó gónóm mon, hol hnihu yóm kehyuhen yóm Jirusalim.

Kem Lingón 84:10

Anien ke tek sendawu nô bè Gónóem, Dwata, bong hyu he yó senta ke lemibu kdawu nô bè lewà. Mom hyu nawahu ke ou fen mentey bè bak tikeb yóm Gónóem senta ke nóe lem kul gónô yó kem tau mò sidek.

Kem Lingón 42:4

Tey sidek kebà nawahu du sok gbel bè nawahu yóm gnan kdaw bè yóm kmungu bè yó kem tey tau wen mógów ebè Gónô Dwata. Ou se tehe tukô gna kul yó kem tey tau wen yó. Tey kligal le, gotu le semngal ne mensag bè yóm kdóyón le ke Dwata.

2 Tutul Israél 5:14

Là kô gbek le bud mò du yóm gel nmò le lemen yó kem tau gel blóng ebè Dwata, abay se deng tódô tfeng yóm tey keslinang Dwata lem yóm kun Gónô.

1 Tutul Israél 29:3

Ne ni, lemwót bè yóm dou kegduf bè yóm Gónô yóm dou Dwata, tódô blayu bè Gónô Dwata yóm dou tahu blówón ne blówón bukay deng henyuhu mò tnù yó kem ngom yóm Gónô Dwata deng sentifunu.

2 Samwél 15:25

Omin yóm tau hol geta mon du mò ke Sadok, “Nwit ye semfulék elem syudad yóm Slungan Dwata. Ke hyu nawa Dwata béléu, bud nwiten ou semfulék ebè Jirusalim, ne bud tonu nim Slunganen ni dalang se yóm gónóhen nô.

2 Tutul Israél 7:1

Timbow deng kni Selumun bè Dwata, tódô wen ofi mkal lemwót gu bè longit, gotu kenen yóm dsù hkekeb le ebè Dwata, ne yó kem dumu dsù le ebéléen, ne tódô tfengen lem yóm Gónô Dwata yó yóm tey keslinang Dwata.

2 Tutul Israél 7:2

Yó kem tau gel blóng ebè Dwata, là kô le gusek elem yóm Gónô Dwata, abay se tódô tfeng keslinang Dwata lem yóm kun Gónô.

Isikél 3:12

Ominen mkay do eta yóm Tulus Dwata ne gungolu yóm tey lemungkul te kwangu wen udél mung du, monen, “Hol dóyón tekuy yóm tey keklóón Dwata ditu bè yóm gónóhen nô bè longit.”