Kem Lingón 26:4 - Udél Dwata: Gna Kesfasad ne Lomi Kesfasad

⁴ Là kóe gel mung seyón bè yó kem tau mò kéng, ne là se kóe gel slomong bè yó kem tau olon nô te kulit yóm kehtahu le.

Kem Lingón 26:4 Referans Kwoze

Jirimaya 15:17

Là kô deng namau du udasu bè yó kem dumu tau bè yóm gel kehligal le. Lemwót bè kimónu yóm hmoem dou, laen kô dù dumuhu balù sotu. Ne gele lembut bè yó kem sidek gel nmò le.

Kem Lingón 1:1

Hligal le kul yó kem tau kembê du yóm kul gel hlau yó kem tau gel mò sidek, ne ke là lolò le du yóm kul kmò yó kem tau gemsalà, duhen ke là gbót le bè yó kem tau hemnê ke Dwata.

Kem Udél Hlalak Tehe Selumun 13:20

Baling hulung hedem se kun yóm tau tendo gel slomong yó kem tau hulung hedem, okóm yóm tau gel dnumuhen yó kem tau book hensideken knóen.

Kem Lingón 119:115

Yu kem tau gel mò sidek, hlayuk ye béléu, yakà són hlau yóm do Dwata yóm dou lolò.

2 Kurin 6:17

Duhen yó, bud mon yóm gónó tekuy mogot, “Hol ye hlayuk bè yó kem hemtahu bè dwata kéng. Htólóng ye yóm kuy klan. Hol bê ye abay bud nmò yóm là mólósen. Ke ni se nmò ye, angat henmóyóu yu.

Kem Lingón 119:63

Hol weu yó kem tau wen klikò le kóm, yó kem tau mimón du yó kem hlauhem.

1 Kurin 15:33

Hol bê ye abay hegtondo. Bong tahu se yóm sotu gel mon le, “Ke segbóti bè yó kem tau mò sidek, tódô lana béléem yóm kehyu kmoem.”

Kem Udél Hlalak Tehe Selumun 12:11

Sal gel wen kenen yóm tau gel mò nmò bè tonok, okóm yóm tau gel nmungen yó kem atul laen dù muhen là hulungen hedem.

Kem Udél Hlalak Tehe Selumun 9:6

Kó ye yóm là kngelem kehedem ye anì tahà ktau ye ne lolò ye kmò klan yóm khulung temnef.” Ni se koni yó kem udél yóm khulung hedem.

Job 31:5

Deng wen kéng nmou kô bè dumu tau? Deng wen lanu tmondo kul kô?

Kem Lingón 101:4

Kenbéu yó kem atul sidek nô lem hendem tau. Hnayuku yóm kdéen sidek.