Kem Lingón 26:3 - Udél Dwata: Gna Kesfasad ne Lomi Kesfasad

³ Yakà yó du tendo malak dou yóm kbong nawahem là monolen, ne tendo lolou yóm ktahuhen.

Kem Lingón 26:3 Referans Kwoze

1 Jan 1:7

Okóm ke deng ye nô lem layag, lómón yóm kun knô lem layag Dwata, yó he gónón wen kesfulung tekuy. Ne yóm litô tehe namà Jisas, yóm Ngà Dwata, yó se fen tendo mkó du bélê tekuy yóm ket salà gel nmò tekuy.

2 Bok Kem Tau Hol Geta 20:3

monen, “Ó Dwata, hol hentulónem nawa yóm klawihu mowil, lemwót lem but blututu yóm klolou kóm ne yóm kmou du yó kem gónóm hligal.” Ne tódô btù dlumu Hisikaya.

2 Jan 1:4

Tey kligalu bè yóm kungolu du deng wen bè yó kem ngaem deng gel mimón du yóm ktahuhen. Ni se deng hloloen tekuy yóm Mà tekuy.

Ifisus 4:32

Yó tles nmò ye dé yóm kehyu kmò ye ebè kem dumu ye, ne yóm keskodu ye. Hol ye gel mahil seflifót, lómón yóm tehe kehlifót Dwata yóm kuy salà hlanen bè Krays.

2 Kurin 8:9

Deng tngón ye se yóm alì nawahen tekuy yóm gónó tekuy mogot Jisas Krays. Gloken gemtagak yóm tey kun kendengen bè longit na a baling tau élél te tonok. Yó gónón mò du yóm yó anì baling wen kendengen tekuy mlan béléen.

2 Kurin 3:18

Duhen yó, kdê tekuy deng hemtahu, deng gfan lem uyó tekuy ne yóm kun keslinang yóm gónó tekuy mogot, ne laen kô dù bud sengen ne. Yóm gfan bélê tekuy yó, hol lemwót gu bè yóm gónó tekuy mogot. Bè yóm igò tekuy temngel ebéléen, igoen hembaling tekuy mò mkél béléen, ngangen mò du efet tekuy hol mkél du. Yóm gónó tekuy mogot yó, du se yóm hol Tulus Dwata.

Kun Snulat Jan 14:6

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.

Kun Snulat Luk 6:36

Hol knodu ye kem dumu ye tau lómón yóm kun kkodu kem tau yóm Mà tekuy bè longit.”

Isaya 8:20

Okóm ni mò balà ye kul, mon ye, “Yake yó dém tolok Dwata kuy yóm hol hnungol ye. Hol bê ye abay hmungol bè yó kem tau demwata. Là kóen hyu bélê ye yóm gel tulón le kuy.”

Isaya 2:5

Duhen yó kem tau semfu gu bè tehe Jakub, hol lolò tekuy ne yóm kun layag yóm kut Dwata.

Kem Lingón 119:142

Yóm ktedengem, Dwata, laen kô dù tul sónen. Ne hono tahu yó kem hlauhem.

Kem Lingón 101:2

Hol ten-gamahu yóm klaen dù gónóhu megsanil. Kilón de któbóngem dou? Bè yóm dou gónô nô, hol nmou yóm laen dù kéng du.

Kem Lingón 86:11

Tolokem dou, Dwata, yóm nóyô hmoem dou, anì galake bè yóm hol ktahuhen lemwót béléem. Tnóbóngem ou mimón kóm anì wen klikou kóm.

Kem Lingón 52:1

Ó tau kemgis, moen de ke tendo hen-gmónem yóm kmoem sidek bè yó kem tau mimón ke Dwata?

Kem Lingón 25:5

Hol nalakem ou lemwót bè yóm ktahuhen lemwót béléem, ne hol tolokem ou, abay se uu yóm Dwata deng gel lemwà dou. Tódô knoyungu kdaw tendo smalig béléem.

3 Jan 1:11

Ó Wè Gayus, béem dnalang kóm yóm nmò sidek. Yó dé dnalangem yóm hyu. Yóm tau gel hyu nmoen, yó se yóm tau deng nfun Dwata. Yóm tau gel sidek nmoen, là kô tngónen du Dwata.