Kem Lingón 26:1 - Udél Dwata: Gna Kesfasad ne Lomi Kesfasad

¹ Ó Dwata, hegfanem yóm klaen dù salau, abay se tedeng yóm gel nmou. Là kóen monol yóm gel ksaligu kóm.

Kem Lingón 26:1 Referans Kwoze

Kem Lingón 28:7

Dwata yóm gel temgel dou, ne bud du se kemlung dou bè yó kem sidek. Hol lemwót lem but blututu yóm ksaligu du. Tendo tnóbóngen ou, ne ya tey kligalu. Gel utómu lingón yóm kdóyónu du.

Kem Lingón 7:8

Gotu knukum Dwata yóm kdéen tau. Knukumem se ou, Dwata, hlanem bè yóm tedeng tonem béléu, yakà uu se yóm Dwata hol dandónen geta, deng tngónem yóm klaen dù salà deng nmou.

Kem Udél Hlalak Tehe Selumun 20:7

Hyu nawa le kul yó kem kun ból yóm tau tedeng ne laen dù belenen yóm kun kmò.

Kem Lingón 21:7

Yakà són Dwata snalig yóm tau hol geta. Lemwót bè yóm là konolen yóm kbong nawa Dwata du yóm Dwata hol Dandónen Geta, yó gónón là tlokob yóm tau hol geta.

2 Bok Kem Tau Hol Geta 20:3

monen, “Ó Dwata, hol hentulónem nawa yóm klawihu mowil, lemwót lem but blututu yóm klolou kóm ne yóm kmou du yó kem gónóm hligal.” Ne tódô btù dlumu Hisikaya.

1 Samwél 24:15

Dwata he kmukum kut ke mahil du bélê te mò du yóm tedeng ne Dwata he tmafak yóm tau wen salaen. Du he mfi do ne angat lenwaen o lem tdokem.”

2 Pitér 1:10

Duhen yó, kem dumuhu setwoli, hol hotu ye són gel ye mò du nim monu ni koni mò gónó ye hton du yóm deng tehe ktaba Dwata kuy, ne yóm deng kéléken kuy. Ke henlel ye mò du nim ni, là kô na ye e gbek kmogol du yóm kehtahu ye bè Dwata.

1 Pitér 1:5

Hono kuy se funen yóm hyu yó. Ne lemwót bè yóm kehtahu ye, tódô senflós Dwata mofin kuy mlan bè yóm tey kegbeken. Yó gónón mofin kuy, abay se deng eles wen ne yóm klowil laen du sónen angat blayen tekuy, yóm hegfanen bélê tekuy bè yóm hol són kdaw.

Hibru 10:23

Hol bê tekuy abay tnagaw nawa yóm hendón nefet nawa tekuy, yakà deng tehe fasad Dwata du nim ni, ne là kô tenlesen du hendemen.

2 Kurin 1:12

Sotu gónó me gel hligal, abay se tódô tngón me laen kô dù belenen yóm kmò me ebè kem dumu me tau, hol néen yóm gel kmò me ebélê ye. Laen kô bang buni me bélê ye se, ne tódô tngón Dwata snéen yóm kgotu nawa me ebélê ye. Bè yóm kmò me du nim nmò me ni, là kô tódô salig me du yóm kum ketngón, sal gel snalig me yóm kfasang Dwata tmóbóng kum.

Kem Udél Hlalak Tehe Selumun 29:25

Yóm tau tnafa nawahen yóm kehedem dumu tau ebéléen henged holot gónón bekó, okóm yóm tau snaligen Dwata hyu knóen.

Kem Lingón 121:3

Là kô bayaen kóm bè yóm gónóm btang. Yóm mofin kóm, là kóen tlek tungô.

Kem Lingón 94:18

Yó monu, “Tlokobe.” Okóm yóm là konol yóm kbong nawam dou, Dwata, yó se temgel dou.

Kem Lingón 62:6

Tek sónen du yóm botu gónóhu gel heklung, yóm gel lemwà dou. Du se yóm dou gónó gel hofin, là bude sliwo.

Kem Lingón 62:2

Tek sónen du yóm botu gónóhu gel heklung, yóm gel lemwà dou. Du se yóm gónów gel hofin là bude sliwo.

Kem Lingón 54:1

Ó Dwata, hol lenwaem ou mlan bè boluyem. Hol hegfanem yóm klaen dù salau hlanem bè kegbekem.

Kem Lingón 43:1

Ó Dwata, hol hdilóem yóm là ktahuhen yóm gel duón le dou yó kem tau là temngón kóm. Hol nfihem ou. Hewaem ou lem tdok yó kem tau mò kéng ne bè yó kem tau gel mò sidek.

Kem Lingón 37:31

Tendo suen lem hendemen yóm hlau Dwata, là kô knogolen du.

Kem Lingón 35:24

Hegfanem yóm klaen dù salau, Dwata yóm Dwata hol dou gónó mogot, yakà uu du yóm tedeng kwiten kukum. Hol béem bayà yó kem hohonu ke knuli le nim kwen gfau ni.

Kem Lingón 31:14

Okóm, Dwata, són uu yóm dou snalig. Yó udélu, monu, “Uu se dou Dwata.”

Kem Lingón 26:11

Okóm béléu, són lolou yóm tedeng. Hol lenwaem ou hlanem bè yóm kkoduhem dou.

Kem Lingón 25:21

Yóm dou kgulit ne dou ktedeng yóm gel mofin dou, abay se uu yóm nefet nawaw.

Kem Lingón 25:2

Tey ksaligu kóm, Dwata. Béem abay henyak ou, duhen ke hefligalem yó kem hohonu bè yóm là kegmou.

Kem Lingón 15:2

Yó olo knóón, són yóm tau tendo mimón ke Dwata, ne laen dù belenen yóm gel nmoen, ne hono tahu yóm gel btang bè sumóngen, laen kô dù bool kestulónen,

Kem Lingón 4:5

Snaligem Dwata, ne dsuem yó kem dsù hyu.

1 Samwél 2:9

Gel kenlungen yó kem tau mimón du, okóm yó kem tau mò sidek són le lem gónón kmifu. Laen dù gendeng tau ke mlan bè kun kgis.

Job 2:3

Mon Dwata se mò du, “Tonem Job kô, yóm tau tóbóng lówóhu? Laen dù tau talak tonok ke gemsenged du. Laen dù gónó le gemsanil du kem dumu tau. Tau gulit knawahen, lelen tey klikoen do ne tendo gel hetsik bè yóm sidek. Efet yóm kmoen ni, tey kguliten balù yóm tey kubugem dou anì lusu uu mò hemsidek du balù yóm klaen dù duónem du.”

Job 4:6

Là mgel nawahem du kô yóm tendo gel klikoem ke Dwata? Ne yóm kgulit nawahem, là yó du kô nefet nawam bè yóm któbóng Dwata kóm?