Kem Lingón 24:3 - Udél Dwata: Gna Kesfasad ne Lomi Kesfasad

³ Tau du de knóón bang mneged bè yóm kun bulul Dwata? Tau du de knóón bang husek elem yóm kun Gónô?

Kem Lingón 24:3 Referans Kwoze

Kem Lingón 15:1

Ó Dwata, tau du de yóm knóón husek elem yóm kóm Gónô? Tau du de yóm knóón hloni ebéléem bè yóm kóm bulul Sayun?

Hibru 12:28

Duhen yó, hol dóyón tekuy dé Dwata, abay se angat tekuy gomong bè yóm kun benwu nogot, yóm benwu là megsinsigen. Hol tekuy hloni ebéléen dé ni kmoen ni, hlan tekuy bè yóm kun kóyô bélê tekuy, hmung tekuy du snéen yóm hol kadat tekuy du ne yóm klikò tekuy mulé du,

Kem Lingón 65:4

Hligal le kul yó kem tau nélékem, yó kem tau nitem edyó béléem bè kóm Gónô. Tey kegsengel nawa me du yó kem hyu nô lem Gónóem, ne yó kem tóbóngem kum lemwót lemen.

Malakay 3:1

Yó balaen kul yóm Dwata laen dù là gbeken du, monen, “Ngem, angat wen hógówu elem blóng ye mò eles hemtifes yóm angat lanu. Ominen yó tódô mekto sut elem yóm kun Gónô yóm tendo nangat ye, duhen yóm Dwata hol gónó mogot. Yóm hógówu tendo gel nangat ye yó, dohò sut se kun mò hetngón du kuy yóm deng senfasad tekuy.”

Kem Lingón 2:6

Yó udélen ebélê le, “Ngem yóm tau deng kenbê ye mò mogot kuy, deng hyónu bè yóm dou bulul Sayun mò mogot benwu.”

Kem Lingón 68:18

Bè yóm kegdekem ta bè yóm bulul geta yó, Dwata, tey kem tau negef nalakem mung kóm. Wen tey basa slong le kóm yó kem tau, balù yó kem tau deng matù kóm, sana kwen kul basa kóm. Duhen ni, deng nô lem blóng tekuy bè ni yóm sana kut Dwata hol gónó mogot.

Hlolò 10:3

Omin Musis mon du mò ke Aron, “Nim hegfà Dwata kul ni, ni se gónón e gbak yóm tehe udélen, yóm monen, ‘Angat hegfanu bè yó kem tau blóng ebéléu yóm tey klaen dù belenu. Ne angat wen klikò le do yó kem tau Israél.’ ” Okóm tódô neb Aron.

1 Tutul Israél 15:1

Wen kem kun gónô Dabid deng hdaen lem yóm syudaden. Ne deng eles wen tolda hefdaen mò hlun gónóhen hemsù yóm Slungan Dwata.

Kun Snulat Jan 20:17

Ne mon Jisas mò du, “Béem tagad nogot ou he, abay se là denge mulék ebè Mà. Okóm mógówi dou ebè tu kem dumuhu setwoli, tulónem kul yóm naw kulék ebè Mà, yóm kul Mà snéen. Du se yóm dou Dwata, ne bud kul Dwata snéen.”

Kun Snulat Jan 13:36

Ne mudél se ke Pitér, monen, “Gónóm tô e solu kut ni du, Sér?” Mon Jisas se, “Là kói na a gmung dou bè nim gónóhu e solu ni. Hulin kdaw he kektes ye do.”