Kem Lingón 24:2 - Udél Dwata: Gna Kesfasad ne Lomi Kesfasad

² Bè yóm tehe kedlimunen du yóm tonok, tódô suen ta yóm tey él nelem fi laan tonok. Hdaen lem mohin yó kem tud blungónen mò hembegel du.

Kem Lingón 24:2 Referans Kwoze

Kem Lingón 136:6

Hol dóyón tekuy Dwata, gbeken hemsù du ta él yóm tonok. Laen kô dù tul sónen yóm kbong nawahen tekuy là monolen.

Kem Lingón 96:10

Yó hol tulón ye bè kem tau bè klamangen benwu, mon ye mò kul, “Yóm Dwata, du se yóm hol dandónen geta kmamal yóm klamangen. Tey mbegel kmoen du yóm benwu, là kóen sliwo. Angat knukumen yóm kdéen tau, ne tey tedeng yóm kkukumen kul.”

Job 38:4

Gónóm nô se kóm du bè yóm tehe kmou benwu? Ke uu se yóm sotu tau temngón hol tulónem do kun.

Kem Lingón 33:6

Yóm tehe kedlimun Dwata yó kem longit seglafin, tódô lemwót bè udélen. Bud lemwót bè udélen snéen yóm tehe kedlimunen yóm kdaw ne bulón ne yó kem blotik.

Tekang Kbuten 8:22

Yóm igoen tolo wen benwu, sal gel wen bulón mulu ne wen bulón muta. Wen bulónen tnaw ne wen se bulónen kinì. Wen bulónen mnóng kdaw ne wen se bulónen kmulón. Senflósen wen kdaw ne senflósen wen se kifu.”

Kem Lingón 95:4

Gotu knamalen yóm klamangen benwu, lenwóten bè yó kem hol kilib nelem kkólen bè yó kem hol bulul geta.

Kem Lingón 93:1

Dwata se yóm hol dandónen geta mogot klamangen. Yó henged nes leseken, duhen yóm kegetahen ne yóm tey kekgisen. Tey mbegel kehdaen du yóm benwu, là kóen na a sliwo.

Kem Lingón 89:12

Deng nmoem yóm fi debwak ne deng nmoem se yóm fi leged. Yóm bulul Tabur ne yóm bulul Hérmun, lómón ke eles le tendo hligal semngal ebéléem.