Kem Lingón 23:6 - Udél Dwata: Gna Kesfasad ne Lomi Kesfasad

⁶ Tngónu là kóen skó yóm któbóngem dou dalang se yóm kkoduhem dou efet kól bè kukol towoku. Ne sok bangen hto yóm hutusem dou, tódóe hlós menek béléem bè yóm kóm gónô. Ne laen kô dù tul sónen yóm knóu dyó béléem.

Kem Lingón 23:6 Referans Kwoze

Kem Lingón 27:4

Sotu alì gel hnihu bè Dwata, tek sotu yóm hol nóyóu béléen. Yó hnihu, bè klawihu mowil ke tendohe nô lem gónóen, anì tendo gtanudu yóm tey keklóónen, ne anì tendohe hesgalak béléen.

2 Timuti 4:18

Ne angat bud lenwaen ou he yóm gónó tekuy mogot ke wen bud tô dumu gfau, ne hlós nwiten o ebè tum kun benwu nogot bè longit. Bê te abay lensón yóm kut kdóyón du.

2 Kurin 5:1

Nim lówó tekuy ni, hol lómón ke slung. Ke deng bangen gbà nim slung ni, eles tngón tekuy se angat wen tahu gónó tles Dwata du ditu bè longit, yóm gónó kun nmò Dwata, yóm laen dù tul sónen.

Kem Lingón 16:11

Tendo gel hegfanem béléu yóm lan ebè yóm klowil laen dù sónen. Angat tey kligalu bè yóm angat knóu dyó béléem, ne laen kô dù sónen yóm kbeyen nawahu béléem.

2 Kurin 1:10

Bè yóm kdaw yó, lenwaen mi bè yóm tô khatay le kum, ne bud lenwaen mi snéen hulin kdaw.

Kem Lingón 103:17

Okóm bè yó kem tau wen klikò le ke Dwata, laen kô dù sónen yóm kbong nawa Dwata kul. Balù hilu bud lugod le, yó ne yóm kehyu nawan ebélê le

Kem Lingón 17:15

Lemwót bè kmou du yóm tedeng, yó gónów angat mton kóm. Soke bud mowil gsengel nawaw, abay se deng te tódô suyó.

Flipay 1:23

Tey mgel béléu hemdem du. Móyóe ke mataye anì géhéle nô bè Krays, abay se tey bong hyu béléu yó.

Kem Lingón 21:4

Deng mni béléem anì hlowilem, ne tahu se, bnalaem yóm hnihen yó. Laen kô dù tul sónen yóm keblayem du klowil.