Kem Lingón 23:3 - Udél Dwata: Gna Kesfasad ne Lomi Kesfasad

³ Sal gel hnomihen kgisu. Ne tendo sen-galaken ou anì glolou yóm lan tedeng, anì hol megdóyón yóm kun boluy.

Kem Lingón 23:3 Referans Kwoze

Isaya 42:16

Angat nalaku yó kem dou tau butô bè yóm lan là deng kul sulék lan du. Angat henbalingu bélê le layag yóm tehe gónón kmifu ne angat hlóhu bélê le yóm lan sebsuk. Ni se yóm fasadu kul, là kóen bud mulék elem baku.

Kem Lingón 31:3

Uu se yóm botu gónów heklung ne gónów hofin. Hol nalakem ou anì gewae bè ni mò gónón megdóyón yóm kóm boluy,

Kem Lingón 19:7

Yóm hlau Dwata, tódô ket du, sal gel hnomihen kgis tau. Tey gsalig yóm hlau Dwata. Benlayen khulung hedem yóm tau là mnagien.

Kem Lingón 51:10

Ó Dwata, suem béléu yóm nawa laen dù belenen. Bud hnomihem dou kehedemu, ne blayem dou yóm là konol nawahu ebéléem.

Kem Lingón 5:8

Nalakem ou bè yóm lan tedeng, Dwata, anì là gemmò le béléu yó kem hohonu. Hol hentedengem yóm kóm lan mò lolou.

Kem Lingón 51:12

Hulékem ebéléu yóm kligal lemwót bè yóm tehe kehewaem dou. Hol benlayem ou óyô mimón kóm.

Job 33:30

Sal gel lenwaen lu bè benwu yó kem tau deng matay ne bud gel hlayagen klowil le.

Kem Udél Hlalak Tehe Selumun 8:20

Yóm dou kmò klan sal mlan bè ktedengen ne sal hlanu bè yóm là keskihuhen.

Deng Hegfan 3:19

Yó kem tau kenbong nawahu, sal gel bnólówu ne tnafaku lu anì gulit le. Duhen ni, hol knogol ye ne yó kem salà gel nmò ye.

Kem Lingón 79:9

Hol tnóbóngem mi, Dwata yóm Dwata gel lemwà kum. Tnóbóngem mi mò gónóm gboluy. Lenwaem mi, ne hnifótem kum salà me anì holi megdóyón.

Kem Lingón 85:13

Eles tukô gna ke Dwata yóm kun ktedeng mò hemtifes yóm lanen.

Kem Udél Hlalak Tehe Selumun 4:11

Deng gotu toloku kóm yóm lan ebè yóm khulung hedem ne deng nalaku u bè yóm lan ebè yóm ktedeng kmò.

Kem Lingón 119:176

Denge tabag lómón ke yóm ubiha lana, géhél hnebelem ou, yóm tau tóbóng lówóhem, abay se là kô naw e klifót kul yó kem hlauhem.

Jirimaya 31:8

Tahu se,” mon Dwata, “angat bud nwitu lu semfulék lemwót gu tebwak ne bud sentifunu lu lemwót ditu bè són tonok. Angat le bud mung se kul yó kem tau butô ne yó kem tau tugô. Dalang se yó kem libun tolo mlutut ne yó kem libun móyón kmuleng blutut le. Angat tey kwen le bè yóm bud kesfulék le.

Ifisus 1:6

Hol dóyón tekuy dé Dwata lemwót bè yóm tey któbóngen tekuy hlanen bè Krays, yóm hol kun Ngà kenbong nawa. Yóm tóbóng yó, là kô benli du.

Kem Lingón 34:3

Gbót ye béléu tmulón du yóm tey kegeta Dwata. Hol dóyón tekuy dé boluyen.

Kem Lingón 31:4

anì là gholote bè yó kem hohonu. Yakà tek són uu du yóm gónów hofin.

Kem Lingón 106:8

Baluen ke lómón yó nmò le, sana kehewaen kul, lanen dmohò yóm deng tehe fasaden kul, ne mò gónón hegfan yóm tey kfasangen.

Kem Lingón 109:21

Okóm, Dwata yóm Dwata hol dandónen geta, hol tnóbóngem ou anì megdóyón yóm kóm boluy. Lemwót bè yóm alì kehyuhen yóm kbong nawahem do, hol lenwaem ou.

Jirimaya 31:25

Yakà angat kóhu du bè yó kem tau yóm alì kliteg le ne benlayu kligal yó kem langag.”