Kem Lingón 23:2 - Udél Dwata: Gna Kesfasad ne Lomi Kesfasad

² Yóm kesegyoken dou, hol lómón ke yóm tau tilob kesegyoken yó kem ógófen. Sal gel hótóben lu bè yóm gónóhen mabù bnes efet le tódô tmakas, ne tódô le kem hlilil hegnô. Sal gel nalaken lu ebè yóm él tikaw mò gónóhen hinum kul. Hol lómón yó se kesegyok Dwata dou.

Kem Lingón 23:2 Referans Kwoze

Deng Hegfan 7:17

Abay se yóm Ngà Ubiha, yóm fen mdà bè solu yóm gónón myón yóm fen kmamal, du se yóm fen gel semgyok kul. Ne angat nalaken lu ebè yóm tbul él, yóm él mò hlowil kul. Ne angat gotu nifu Dwata yóm lewok bè mata le.”

Deng Hegfan 22:1

Omin yóm hógów Dwata tmolok du do yóm tey él tikaw sminang mlel bè yó, yóm mon le, él hlowil tau. Tódô mlel lemwót gu bè yóm bangkù gónón myón kmamal Dwata lewu le yóm Ngà Ubiha,

Kem Lingón 46:4

Ditu bè syudad Dwata, wen él mlel lemen, gel mit kligal lem yóm kun benwu. Bè yó se gónón nô yóm kun Gónô Dwata yóm Dwata hol dandónen geta bè kdéen.

Deng Hegfan 21:6

Ne bud monen mò do, “Deng gotu deng ne kdéen. Ou se yóm hol buten ne bud sónen. Bud ou se yóm gónón mbut yóm kdéen, ne ou se yóm bud mò sónen. Yóm tau meeng, angat hinumu bè yóm tbul él gónón mowil tau, yóm él là kô feng benli du.

Deng Hegfan 22:17

Yó udél yóm Tulus Dwata dalang se yóm libun yehen yóm Ngà Ubiha, mon le, “Géhél ye ne.” Ne yó kem tau mungol du, yake bud mon le kul, “Géhél ye ne.” Géhél le edini ne yó kem tau meeng na le e minum bè yóm él hlowil tau, yóm él là kô feng benli du. Yóm tau móyô, géhél minum ne.

Isaya 30:23

Duhen yó, ke wen hulu ye tódô hkulón Dwata etahen anì tey wen angat nuta ye. Ne yó kem ógóf ye tey wen gónó le mótób.

Isaya 8:6

“Lemwót bè yóm kekbê yó kem tau bè Juda du yóm él bélê le boluyen Silu yóm él alì ganag klelen ne lemwót bè yóm alì ksidek klikò le ke Risin ne Pika,

Kehewà 15:27

Ngang le mógów yó kem tau Israél efet le kól bè Ilim. Bè yóm benwu yó, wen sfolò lewu sfut él nô du ne hitu folò but lefò mdà bè yó snéen. Ne bè yó gónó le na bud kmamfù moni bè yóm él yó.