Biblia Todo Logo
Bib sou entènèt

- Piblisite -




Kem Lingón 22:2 - Udél Dwata: Gna Kesfasad ne Lomi Kesfasad

2 Ke kemdaw, tey ktabahu kóm, Dwata, okóm là kô kenmónem dou. Bude tmaba ebéléem ke kifu, là se gnómu du ke mdengen kehegnóu.

Gade chapit la Kopi




Kem Lingón 22:2
12 Referans Kwoze  

Milud he kofin Dwata yó kem kun tau tendo gel mni tóbóng béléen ket kdaw ne ket kifu. Là kô feng gnanggaen kul.


Tey tendo kkiku kemdaw ne kifu, hol lómón ke yó henged kenu. Lel ni kem hohonu, tendo gel smólók dou, “Nô se yóm Dwata gónóm hemtahu yó du?”


Ó Dwata yóm Dwata lemwà dou, tey knihu béléem, tódô senflósu kdaw ne kifu.


Béléu do, tey kdóyónu ke Dwata, ne laen kô dù bang blóngu ebéléen yóm klawihu mò du nim hmoen dou ni. Hol lómón ni se yóm tehe kul nmò yó kem tehe fuu ekni. Tey kdóyónu ke Dwata bè yóm gel kutómu kóm béléen, tódô ketu kifu ne ketu kdaw.


Tódô ket kdaw ne ket kifu me tendo gel mni bè Dwata anì bud tekuy ston, ne anì wen gónó me tmóbóng kuy bè yóm tolo gónó ye là deng ket bè yóm kehtahu ye.


Sotu kdaw bè yó, tódô mógów elem bulul Jisas anì nan e mni bè Dwata. Tódô suloyen buteng mni.


Ne ominen bud tmagak kul na e mni bè getluhen dulék, tódô nuliten yóm gna kmò knihen.


Ó Dwata yóm Dwata laen dù là gbeken du, yóm hol gónó me mogot, kegenen de duen yóm là bud kebutem kum anì hnungolem yóm kni me ebéléem?


Swiv nou:

Piblisite


Piblisite