Kem Lingón 22:1 - Udél Dwata: Gna Kesfasad ne Lomi Kesfasad

¹ Ó Dwata, Dwatahe, moen de ke tódô bayaem se ou du? Tey ktabahu ebéléem anì tnóbóngem ou, okóm là kô dog bnalaem dou.

Kem Lingón 22:1 Referans Kwoze

Mark 15:34

Timbow deng sóól mosol kdaw, omin Jisas hgel udélen, monen bè kul udél, “Eloi, Eloi, lema sabachthani?” Yó lanen yóm udélen yó, monen, “Ó Dwata, Ó Dwata, moen du ke tódô bayaem ou?”

Matyu 27:46

Timbow deng sóól mosol kdaw, omin Jisas hgel udélen, monen bè hol kun udél, “Eli, Eli, lema sabachthani?” Yó lanen yóm udélen yó, monen, “Ó Dwata, Ó Dwata, moen de ke tódô bayaem ou?”

Hibru 5:7

Bè yóm tolo knô Jisas te tonok ekni, tey khotuhen nawahen gel mni bè Dwata, mung du yóm tey kkiken ne yóm gel kosok lewoken, abay se gbek Dwata lemwà du bè yóm katayen. Lemwót bè yóm keheglaanen bè Dwata ne yóm hol óyóen mimón du, hnungol Dwata yóm knihen ebéléen.

Kem Lingón 22:16

Gotu senibut le ou yó kem tau mò sidek. Lómón ke slomong tey dê ohu lóbô, gotu le hloni ebéléu. Gotu nsék le sigelu ne tihu.

Job 3:24

Lemwót bè yóm klangagu, balù udì ke wen óyóu mken, tódô senflósu dmolong.

Kun Snulat Luk 24:44

Omin Jisas yó bud mon du mò kul, “Yóm deng katayu lem blóng ye, ne yóm bud klowilu, ni se yóm tehe deng gel tulónu kuy bè yóm hanà tolo knóu lem blóng ye. Nan na gotu dohò etahu he kdê yó kem tehe deng snulat Musis, dalang se yóm kul tehe gel snulat yó kem dumu gna tugod Dwata kkólen bè yóm tehe snulat le bè yóm bok Lingón.”

Kem Lingón 10:1

Ó Dwata, moen de ke hlayuki béléu? Moen de ke henbnosem ou bè yóm igoen wen hlayamu?

Hibru 13:5

Béen són bè filak gónón nô nawa tekuy. Yake tódô gsengel nawa tekuy bè kihu nô bélê tekuy. Yakà deng wen tehe mon Dwata, monen, “Là kô naw e tnagak kóm. Là kô naw e tódô bayà kóm.”

1 Samwél 12:22

Yóm Dwata, là kô nan e tódô bayà kul yó kem kun tau deng nélék. Ke bayaen lu henyaken yóm kun boluy. Tey kehyu nawahen bè yóm kehbalingen kuy mò kun tau.

Kem Lingón 22:11

Hol béi hlayuk béléu. Deng wen sidek moni ebéléu, ne laen kô bang tau tmóbóng dou.

Kem Lingón 71:11

Yó udél le, mon le, “Deng bayà Dwata ne. Lemwót tekuy kenfô tekuy, abay se laen dù bud tmóbóng du.”

Isaya 46:13

Igoen deng moni yóm kehegmou kuy, móyónen htó ne laen kô bud gónón ganggà. Angat lenwau Jirusalim ne hegetahu yó kem tau Israél bè yó.” Là gomongen bè nili yóm tsaptér 47. Yó tulónen bè ni yóm eles ktulón Isaya du yóm angat kegbà Babilun, yóm benwu alì tótól bè ksidek gel nmò le. Tulón Dwata bè yó kem tauhen yóm kéléken yóm benwu Babilun mò tmafak kul, okóm alì gedlug yóm kmò kem tau Babilun kul. Balù udì ke wen kodu le yó kem tau Israél. Okóm yó mon Dwata ebè yó kem tauhen, “Yóm alì gfà ye, bud huléku eta yó kem tau Babilun ne là kô le gewà du. Balù sotu bè yó kem gel snalig le ke tô gembek lemwà kul, balù yó kem wè le, ne yó kem tau wen gónó le ma, ne yó kem tau gónó le hmungol hlau duhen ke yó kem tau hulung temngel kógów blotik, là kô na le e gbek du lemwà kul.”

Kem Lingón 38:8

Tódóe mungoy, lómón ke denge muna. Botonge dmolong bè alì ksidek kegnómu du.

Kem Lingón 37:28

Yakà tey hyu nawa Dwata du yóm tedeng. Là kô bayaen kul yó kem tau teneb béléen ne laen dù sónen yóm tendo kofinen kul. Okóm yóm kul lugod yó kem tau gel mò sidek, angat hdó le lu ta yóm tonok yó.

Kem Lingón 16:1

Ó Dwata, hol nofinem ou. Són uu snaligu mò gónóhu heklung.

Kun Snulat Luk 22:44

Tódô kem hotuhen nawahen mni bè Dwata igoen alì sidek kegnómen du. Bè yóm knihen yó, yóm ingeten temdak ebè tonok, hol lómón litô.

Isaya 59:11

Tódô sónmò me likò, tendo sidek ktafa nawa me. Hol nalu nawa me ke lenwà Dwata mi bè yó kem tau tendo hemgnok kum, bede là.

Kem Lingón 26:9

Béem hmung ou bè yóm kul gónó e kól yó kem tau gemsalà, dalang se bè yó kem tau monok, béem hmung ou golu bélê le.