Kem Lingón 21:8 - Udél Dwata: Gna Kesfasad ne Lomi Kesfasad

⁸ Ó Dwata, angat gotu kenfóem yóm kdê hohonem. Yóm alì kekgis sigel kwananem gónóm gemkfô kul yó kem tau kmutó nawa kóm.

Kem Lingón 21:8 Referans Kwoze

Isaya 10:10

Gotu tnafaku yó kem benwu wen tau tmaba ebè yó kem dwata lenbù nmò nô du. Tey wen yóm kul dwata lenbù nmò senta yóm dwata kul lenbù nmò yó kem tau bè Jirusalim ne Samarya.

Kem Lingón 72:9

Angat le gotu mtud bukol bè soluhen yó kem tau nô bè yóm benwu laen hol wen tauhen. Angat le gotu lemfen bè soluhen yó kem tau hmohon du.

Deng Hegfan 19:15

Yóm smakay tukô gna kul yó, wen hsut gu lem baken lómón ke sudeng alì telem mò atuen yó kem tau hol geta bè klamangen benwu. Yóm kkamalen kul tey mefges lómón ktétélen bala tók. Lómón ketken le yóm bungu grép anì molo élen, lómón yó se ketkenen mdà kul elaan yó kem hmohon du. Ni se kehegfan Dwata du yóm alì sidek kebuten kul, yóm Dwata laen kô dù là gbeken du.

1 Kurin 15:25

Bede là tagad nmoen du he yóm yó ke là nan na gotu ndà kul elaan yó kem hmohon du.

Kun Snulat Luk 19:27

Bong ni kem tau alì hmohon do ni bè yóm là kóyô le du ke ou yóm mogot kul, gotu nwit ye lu edini, ne gotu hnatay ye lu bè soluhu.’ ”

Kun Snulat Luk 19:14

Okóm wen kem kun dumu menwu kmutó nawa du nim tau na a ma glalen ni. Gloken wen kem tau hógów le huli du ebè yóm tau hol geta, mon le mò du, ‘Là móyô me du kum ke fen geta bélê me nim tau nii.’

Kem Lingón 18:1

Ó Dwata, tey kbong nawaw kóm. Uu yóm gel hekgis dou.

Kem Lingón 2:9

Ke wen kembê du yóm kogotem kul, gotu genlaem lu. Yó kmò keglaem kul, lómón ke bnogulem bala tók yóm kuleng tonok, gotu lemusok.’ ” Yó se udél Dwata ebè yóm tau tehe néléken mò mogot benwu.

2 Samwél 7:1

Bè yóm deng khenek Dabid bè gónóen, ne deng henek Dwata kbenwuhen, laen dù bud hohonen mundug du,

1 Samwél 31:3

Ya tey kesfatay le Sol yó kem Flistin ne gafit le Sol yó kem tau mit boho ne gentì le, ya tey halien.

1 Samwél 25:29

Baluen ke senktes hnatay le uu yó kem hohonem, tey kofinen kóm yóm sana kóm Dwata hol gónó mogot, lómón kesegyok tau yóm kimu alì mebtes alì legenen. Okóm yóm kul klowil yó kem hohonem, angat tódô lana lómón tódô klana yóm botu ke ubat bè hasut.

Kem Lingón 16:8

Eles gel hegnahu Dwata, ne tendo gel nô klohoku. Yó gónón là monol nawahu balù kihu sut béléu.

Kem Lingón 109:20

Hol lómón ni he kmò ktafak Dwata kul yó kem tau gel tmifù dou yó, yó kem tau gel mebel lan le tô hmatay do.