Kem Lingón 21:3 - Udél Dwata: Gna Kesfasad ne Lomi Kesfasad

³ Deng hnódóhem bè yóm kuléken, mung du yóm tey tóbóng, ne wen kuruna nmò le bè tahu blówón suubem bè kuluhen.

Kem Lingón 21:3 Referans Kwoze

2 Samwél 12:30

Nwa Dabid yóm kuruna nô bè kulu yóm kul dwata boluyen Molék. Yóm kuruna yó, nmò le gu bè tahu blówón, botong tlu folò limu kilu keblaten, ne wen kem botu sminang mebtes heklóón le du, ne sù le te kulu Dabid. Tey wen negef Dabid bè yóm syudad yó.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

Kem Lingón 59:10

Lemwót bè yóm là konol yóm kbong nawan dou yóm dou Dwata, dohò yóm ksuten mò tmóbóng dou. Htonen dou yóm là kegmò le yó kem hohonu.

Kem Lingón 31:19

Tey bong, Dwata, yóm alì kehyuhem. Tey kbasahem kul yó kem tau wen klikò le kóm. Deng tey bong gendengem bè yó kem tau hofin béléem igò le temngel yó kem tau bè klamangen benwu.

1 Tutul Israél 20:2

Tikóng kól bè Raba Dabid, nwahen yóm kuruna nô bè kulu yóm tau hol geta bélê le, ne sù yó kem tau bè kulu Dabid. Yóm kuruna yó, nmò yó kem tau Amunayt gu bè tahu blówón, botong tlu folò limu kilu keblaten, ne wen kem botu sminang mebtes heklóón le du. Tey wen negef Dabid bè yóm syudad yó.

Hibru 2:9

Okóm deng ton tekuy Jisas. Bè yóm tehe knóen te tonok, hlun heglaan Dwata bè yó kem gel hógówen gu bè longit anì fen na a matay bè kdéen tau. Yó se mò lan Dwata tmóbóng kul. Okóm ni kmoen ni, deng ton tekuy yóm tey kehegeta Dwata du, ne yóm tey kadat le du lemwót bè yóm keglayamen bè yóm katayen bélê tekuy.

Sulat Pol Ebè Yó Kem Tau Hemtahu Bè Rom 11:35

Ne laen kô dù tau bemlay ke Dwata ke mone bud bnayad Dwata béléen.”

Deng Hegfan 19:12

Hol lómón ke dilóf ofi yóm lem matahen. Ne tey dê kuruna bè kuluhen. Ne wen boluy deng snulat bè lówóhen, okóm laen dù temngón du lanen yóm boluy yó, tek són du.

Kem Lingón 18:18

Bè yóm kdaw laen dù gmou, kulel se kul kundug dou yó kem hohonu, okóm Dwata se temgel dou.

2 Tutul Israél 6:41

Ne ni, Dwata yóm sana Dwata hol dou gónó mogot, huseki elem yóm Gónô mò gónóm henek nô, ne ebè yóm gónón nô yóm Slungan Fasadem ilô yóm alì kfasangem. Yó kem tau gel blóng ebéléem, Dwata, hol lu he mit kegewà bè yó kem kóm tau, ne yó kem kóm tau, hol le hligal he bè yóm tey kehyuhem ebélê le.

2 Samwél 5:3

Tahu se, bè yó bè Hibron bè solu Dwata, wen senfasad le Dabid yóm kdéen tau malak bè Israél. Omin le temwél te kulu Dabid hnolo mò ilô yóm kbalingen tau hol geta bè Israél.

2 Samwél 2:4

Omin le mógów ebè Hibron yó kem tau bè Juda, ne bè yó gónó le temwél hnolo te kulu Dabid, henbaling le tau hol geta bè Juda. Tikóng gungol Dabid yóm kebeng le ke Sol yó kem tau lemwót bè Jabis-gilyad,

1 Samwél 16:13

Tahu se, nwa Samwél yóm hnolo ulib nwiten ne twélen ta kulu Dabid yóm igoen mdà lem blóng yó kem dumuhen setwoli. Ne lenwóten bè yóm kdaw yó, tey kalak Tulus Dwata ke Dabid efet kól bè katayen. Kewót Samwél bè yó mulék ebè Rama yóm hol kun benwu.

Sulat Pol Ebè Yó Kem Tau Hemtahu Bè Rom 2:4

Déke yó hendemem là kô tnafaken kóm, abay se tey hyu nawa Dwata, là mahilen tmakas, ne tey manay nawahen. Là kô yó du. Igò yó gónó Dwata hemyu kmoen ebéléem anì wen lanen mit kóm hegsel.

Kem Lingón 20:5

Ke yó nmò Dwata béléem, ngem kà gotu me hligal mensag. Hnigal me yóm kegmoem, hlan me bè kdóyón me ke Dwata. Dwata he malà du yóm kdê gel hnihem béléen.