Kem Lingón 21:10 - Udél Dwata: Gna Kesfasad ne Lomi Kesfasad

¹⁰ Angat gotu genlaem yó kem ngà le dini talak tonok, ne laen kô dù bud semfu gu bélê le.

Kem Lingón 21:10 Referans Kwoze

Kem Lingón 37:28

Yakà tey hyu nawa Dwata du yóm tedeng. Là kô bayaen kul yó kem tau teneb béléen ne laen dù sónen yóm tendo kofinen kul. Okóm yóm kul lugod yó kem tau gel mò sidek, angat hdó le lu ta yóm tonok yó.

1 Bok Kem Tau Hol Geta 13:34

Ni se but gónó Jirubuam alì gemsalà bè Dwata. Yó uléken, duhen yóm gotu kegbà yóm benwu nogoten, ne yóm khatay le du dalang se yó kem fes lówóhen.

Kem Lingón 109:13

Hol le gotu matay he yó kem sfuhen anì laen dù bud tau hemtulón nawa kul.

Malakay 4:1

Yó bud udél yóm Dwata laen dù là gbeken du, monen, “Ke sut yóm kdaw kkukumu tau, lómó kmou kul lómón ofi gotu himot kenen kdéen. Yó kem tau heklabak ne yó kem tau gel mò sidek, angat le gotu mlób bè ofi lómón klób lami. Gotu ken ofi lu lómón kken ofi yóm koyu, gotu gomong dolilen ne kem hangahen laen kô dù tebel du.

Isaya 14:20

Lemwót bè kehsidekem du yóm kóm benwu ne lemwót bè khatayem yó kem tau nogotem, yó gónó le là hsenged du bè dumu tau hol geta yóm kebeng le kóm. Laen dù bè yó kem fes lówóhem alì sidek balu le angat mowil.

2 Samwél 23:7

Yó nmò yóm tau tô mulut du yóm koyu semnual yó, uluten du bala tók duhen ke dol buyus, tódô sulék nlóben lu bè yóm gónó le masà.”