Kem Lingón 21:1 - Udél Dwata: Gna Kesfasad ne Lomi Kesfasad

¹ Ó Dwata, tey kehligalen yóm tau hol geta lemwót bè yóm kóm kgis. Tey kehligalen mensag lemwót bè yóm kehegmoem du.

Kem Lingón 21:1 Referans Kwoze

Hibru 12:2

Bê tekuy kó mata dé yóm Jisas. Du se hol lewóten yóm kehtahu tekuy, ne bud du se hol nefeten. Tódô henbalahen yóm tehe ktutuk le du bè kros. Bè ktahuhen, lemwót bè yóm kligal hendón nangaten, là dog suen du bè nawahen yóm tey kyaken bè yóm katayen yó. Ne nim kmoen ni, fen myón fi bè kwanan Dwata ditu bè longit.

Matyu 2:2

“Gónóhen seblà sut de yóm ngà mò angat geta bè yó kem Ju? Deng ton me gu ditu bélê me yóm blotik mò ilô yóm ksuten. Nim nógów me ni, na me e hnódó.”

Kem Lingón 62:7

Sal lemwót bè Dwata yóm kegewau, dalang se yóm kadat le dou yó kem tau, bud lemwót bè Dwata. Du se dou gónó e mlo, yóm botu gónóhu gel heklung. Laen dù bud hohonu sut béléu bè yó.

Kem Lingón 28:7

Dwata yóm gel temgel dou, ne bud du se kemlung dou bè yó kem sidek. Hol lemwót lem but blututu yóm ksaligu du. Tendo tnóbóngen ou, ne ya tey kligalu. Gel utómu lingón yóm kdóyónu du.

Kem Lingón 2:6

Yó udélen ebélê le, “Ngem yóm tau deng kenbê ye mò mogot kuy, deng hyónu bè yóm dou bulul Sayun mò mogot benwu.”

Kem Lingón 99:4

Uu se yóm Hol Geta laen dù là gbeken du, henlom nawahem yóm tedeng, laen kô dù mtukul nfihem. Sal tedeng yóm gel nmoem bè Israél, ne sal tódô.

Kem Lingón 95:1

Géhél ye ne, na tekuy e dóyón Dwata. Hol kuy hligal semngal ebéléen, yakà kenlungen tekuy.

Kem Lingón 71:17

Ó Dwata, lemwót bè hanà kngau yóm ktolokem dou ne efet ni yóm tendo ktulónu du bè yó kem dumu tau yóm tey kehyuhen yó kem gel nmoem.

Kem Lingón 63:11

Okóm béléu dou, yóm tau hol geta deng nélékem, tey kligalu lemwót bè yóm kehegmoem dou. Yó kem tau gel dnohò le yóm fasad le hlan le bè boluy Dwata, angat tey kdóyón le ke Dwata. Okóm yó kem tau gel mò kéng, angat hegfan Dwata yóm kéng le, là kô le bud gudél.

Kem Lingón 20:9

Ó Dwata, hol hegmoem yóm tau hol geta bélê me. Bnalaem yóm gel ktaba me ebéléem.