Kem Lingón 20:5 - Udél Dwata: Gna Kesfasad ne Lomi Kesfasad

⁵ Ke yó nmò Dwata béléem, ngem kà gotu me hligal mensag. Hnigal me yóm kegmoem, hlan me bè kdóyón me ke Dwata. Dwata he malà du yóm kdê gel hnihem béléen.

Kem Lingón 20:5 Referans Kwoze

Kehewà 17:15

Ne wen botu sensodò Musis mò gónón demsù ne yó boluyen du, “Yóm sana kum Dwata hol gónó mogot fen hegmò kum.”

Kem Lingón 60:4

Okóm deng eles wen ilô hdaem bè yó kem tau wen klikò le kóm anì ke sok kól yóm kundug le kul yó kem hohon le, gotu le mlóy bè yó anì laen dù hemen le.

1 Samwél 1:17

Ne yó mon Ili mò du, “Yó ne, lemwóti. Dwata he hol henek nawam. Yó hem Dwata yó kem tau Israél malà du yóm deng hnihem.”

Isaya 61:10

Tey kligalen kun yóm Jirusalim lemwót bè yóm deng nmò Dwata béléen. Hol lómó kligalen lómón yóm libun myehen deng hen-get le. Yó henged nes hesek Dwata du yóm syudaden yó, yóm kegewaen bè yó kem hohonen ne yóm kegmoen bélê le.

Isaya 25:9

Sok bangen kól du yóm yó, tódô kdéen tau gotu mon du, “Du se yóm hol kum Dwata. Sónen du yóm kum snalig ne deng lenwaen mi. Du se hol gónó me mogot ne tey bong kligal me yóm kmoen ni abay se deng lenwaen mi.” Là gomongen bè nili yóm bérs 10 kól bè 12. Yó tulónen bè ni kem bérs ni yóm ktafak Dwata yó kem tau bè benwu Muab lemwót bè yóm alì keheklabak le.

Kun Snulat Luk 1:47

ne tey kehyu nawahu ebè Dwata, yóm deng lemwà do gu lem hatay.

Kem Lingón 118:15

Hol hnungol ye dé yóm tey hensag le bè kamfù le yó kem tau Dwata. Hnigal le yém deng kegmò le. Yó mon le, “Tódô lemwót bè yóm tey kfasang Dwata yó gónó tekuy gemmò.

Kem Lingón 35:9

Ominu yó hligal ebè Dwata. Teye hligal, abay se lenwaen ou.

Kem Lingón 13:5

Okóm snaligu yóm là konol yóm kbong nawam dou. Hligale, abay se dohò yóm kehewaem dou.

Kem Lingón 9:14

anì bud dóyónu uu bè gónón wen bè bak tikeb Jirusalim, anì hligale dmóyón kóm bè yó lemwót bè yóm deng kehewaem dou.

Hbakuk 3:18

okóm sana yó ne kligalu ebè yóm sana Dwata hol gónó mogot, abay se du yóm hol Dwata yóm fen lemwà do.

Mika 4:5

Baluen he ke hemtahu le bè yó kem dwata kéng yó kem benwu hmilol kum, okóm kum són Dwata yóm kum lolò ne laen kô dù tul sónen.

Kem Lingón 19:4

Bede tódô lenngeben klamangen benwu yóm gel tulónen. Laen dù benwu talak tonok ke là tngónen du yóm heglalagen yó. Wen hol mdengen gónó Dwata hemsù du ditu bè longit yóm kdaw.

Kem Lingón 21:1

Ó Dwata, tey kehligalen yóm tau hol geta lemwót bè yóm kóm kgis. Tey kehligalen mensag lemwót bè yóm kehegmoem du.

1 Samwél 17:45

Yó balà Dabid du se kun, bede bud htê, monen, “Bè yóm kwitem do sfatay, wen sudengem ne wen kem buyusem. Okóm dou, nwitu u sfatay mlan bè boluy yóm Dwata laen dù là gbeken du, yóm Dwata yó kem sendalù yó kem tau Israél, yóm deng hnangkag nbótem sfatay.

Kem Lingón 21:3

Deng hnódóhem bè yóm kuléken, mung du yóm tey tóbóng, ne wen kuruna nmò le bè tahu blówón suubem bè kuluhen.