Kem Lingón 20:4 - Udél Dwata: Gna Kesfasad ne Lomi Kesfasad

⁴ Hol blayen kóm he yóm sen-galu nawahem, ne hol hbalingen yóm kdê deng atulem.

Kem Lingón 20:4 Referans Kwoze

Kem Lingón 145:19

Gel blayen bè yó kem tau wen klikò le du yóm wen mu le du. Hnungolen yóm alì kni le béléen, ne lenwaen lu.

Kem Lingón 37:4

Ke hnebelem yóm kligalem, bè Dwata dé gónóm e mebel du, ne blayen kóm yóm hendeen nawam.

Matyu 21:22

Ke wen kehtahu ye, balù kihu hni ye bè Dwata, guta ye.”

Kem Lingón 21:2

Deng blayem du yóm kun kóyô. Deng gotu bnalaem yóm hnihen.

Kun Snulat Jan 16:23

Bè yóm kdaw yó, là bud wen hni ye béléu ne. Tódô tulónu kuy ktahuhen,” mon Jisas, “balù kihu hni ye bè Mà hlan ye bè dou boluy, tódô blayen kuy.

Kem Udél Hlalak Tehe Selumun 11:23

Yóm kun hendeen yóm tau tedeng kmoen, hyu gónón e kól, okóm yóm tau gel mò sidek yóm kun hendón, mom tafak gónón e kól.

Kun Snulat Jan 11:42

Tngónu sónmoem tendo gel hmungol dou. Yó gónóhu mon du nim ni, wen ni kem tau nô bè ni anì hentahu le yóm deng khógówem do.”

Kmukum 13:23

Okóm yó balà yehenen du, monen, “Ke yó kóyô Dwata hnatayen tu, sana là henmóyóen du ne yóm dsù te ebéléen ne sana là htonen du kut ne ni kem deng ton te ni ne sana là deng wen ne tulónen kut bè nim kdaw ni.”

1 Samwél 26:19

Duhen ni, dou gónó mogot, hol hnungolem udél yóm tóbóng lówóhem. Ke Dwata se yóm mdók kóm anì hnatayem o, hyu ke wen dsuu ebéléen anì henmóyóen. Okóm ke kul kóyô kem tau, Dwata he hol tmafak kul yóm kdê le deng matul do. Abay se deng lohem ou bè yóm dou benwu ne yó gónów là bud gnô lem blóng yó kem dou dumu ne gónów là bud tmaba ebè Dwata bè yó lómón yóm sana dou gel nmò.

2 Samwél 24:23

Gotu blayu kóm ni kem ni, ne Dwata he hol hemmóyô yóm dsuem, yóm sana kóm Dwata hol gónó mogot.”

2 Tutul Israél 9:12

Tódô gotu blay Selumun yóm libun boi lemwót bè Siba yó yóm kdê hnihen, ne tey mebtes yó kem basa Selumun du senta yóm kun basa du yóm boi bè Siba yó. Ominen yó mulék ebè benwuhen bè Siba yóm boi yó, mung du yóm kdê tóbóng lówóhen.