Kem Lingón 20:3 - Udél Dwata: Gna Kesfasad ne Lomi Kesfasad

³ Hol henmóyô Dwata he yó kem blayem du, ne hol hligal du he yó kem gel dsuem ebéléen.

Kem Lingón 20:3 Referans Kwoze

Kem Lingón 51:19

Ke yó se kmoen, angat tey kehyu nawahem du ke wen gel dsù me ebéléem. Senged se yóm dsù gel hkekeb me, tey kehyu nawahem du. Ne angat wen kem safì tudu gel dsù me ebéléem snéen.

Kul Nmò 10:4

Ya tey sidek klikò Kurnilyus, tódô hnunuhen, monen, “Moem kut de, Sér?” Ominen bud mudél yóm hógów Dwata, monen, “Tey hyu nawa Dwata bè yóm gel knihem, ne tonen snéen yóm alì kbasahem yó kem tau wen gónó le élél. Ne ni se yóm kbalaen kóm.

2 Tutul Israél 7:1

Timbow deng kni Selumun bè Dwata, tódô wen ofi mkal lemwót gu bè longit, gotu kenen yóm dsù hkekeb le ebè Dwata, ne yó kem dumu dsù le ebéléen, ne tódô tfengen lem yóm Gónô Dwata yó yóm tey keslinang Dwata.

Tekang Kbuten 4:4

Omin Abél demsù se kun, wen nwahen bè tanay ngà yó kem ubihahen, ominen hmatay kul. Nwahen yóm unged hol hyu mò dsuen ebè Dwata. Tey hyu nawa Dwata ebè Abél ne bè yóm dsuen yó.

1 Pitér 2:5

Ne kdê ye yó kem tau deng hlowilen, lómón ke botu ye snéen kuy. Yu se yó kem botu wen mu Dwata du bè yóm gónô hdaen mò gónóhen gel nô. Ne bè yóm gónóen yó, hol lómón ke yu se yóm tau fen gel demsù ebéléen. Yó henged kuy dsù, duhen yóm kimón ye ke Dwata ne yóm gel kdóyón ye du, hlan ye bè yóm deng nmò Jisas bélê ye. Ni se yóm dsù hol henmóyô Dwata.

Ifisus 5:2

Yóm gel kmò ye bè kem dumu ye, hol hewót ye bè yóm kesbong nawa. Henkna ye bè Krays dé bè yóm kbong nawahen tekuy. Gloken tódô hamà yóm kun klowil bélê tekuy mò dsuen ebè Dwata. Yóm dsuen yó, hol lómón ke yóm boo alì minggel mbel ebè Dwata, ne tey gsengel nawahen du.

Isaya 60:7

Gotu nwit le ebéléem yó kem ubiha lemwót bè benwu Kidar ne Nibaot mò dsù ye ebè Dwata mò gónó ye hefligal du. Angat tey keheklóón Dwata du yóm Gónóen mkay senta yó hem gna kmoen du.

1 Tutul Israél 21:26

Hdà Dabid bè yó yóm gónó demsù ebè Dwata, ominen demsù yóm dsù hkekeb ne yóm dsù mit sefyu ebè Dwata. Ominen mni bè Dwata, ne bnalà Dwata yóm hnihen hlanen bè yóm tey ofi hwiten gu bè longit mò hmekeb yóm dsù eles nô ta yóm gónó demsù.

Kem Lingón 128:5

Dwata he hol kmudung kóm hewóten bè Sayun yóm kun bulul. Angat htonen kóm he yóm kgulék klowil yó kem tau bè Jirusalim bè yóm klawihem mowil.

Kem Lingón 134:3

Yó hem Dwata tehe mò longit ne tonok hol tmóbóng kuy lemwót gu bè Bulul Sayun.