Kem Lingón 2:4 - Udél Dwata: Gna Kesfasad ne Lomi Kesfasad

⁴ Bè yóm kungol Dwata du ditu bè yóm gónón myón kmamal bè longit yóm udél le yó, mom knulihen lu. Hennéen yóm atul le, atul laen dù olò gónón e mefet.

Kem Lingón 2:4 Referans Kwoze

Kem Lingón 37:13

Okóm mom knuli Dwata lu, yó kem tau gel mò sidek, abay se tngónen móyón le meglà.

Kem Lingón 59:8

Okóm, Dwata, mom knulihem lu. Mom knulihem yó kem tau bè yó kem benwu hmohon kum.

Isaya 40:22

Yó tehe mò du yóm benwu, tek són yóm Dwata myón kmamal senta tonok bè hol gónón geta sentu longit. Bè ktonen yó kem tau te tonok tey le lemnek, lómón ke gulom. Bè yóm tehe kmoen yóm longit, hol lómón ke hnal nes lenulun mò ketef yóm gónó le nô yó kem tau.

Kem Udél Hlalak Tehe Selumun 1:26

Yó gónóm mon, kesok wen gbunù ye ou tles kmuli kuy ne sendekau yu ke sok gefet bélê ye yóm alì knikò ye.

Kem Lingón 11:4

Okóm yóm Dwata, nô bè yóm kun Gónô hol mólós. Ditu bè longit gónón myón kmamal. Ditu gónón lemwót temngel yóm kdéen tau, tey keheklol ketngelen kul.

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

Kem Lingón 115:3

Yó balà me kul, nô bè longit yóm kum Dwata, gbeken mò du kihu nóyô nmoen.

Kem Lingón 53:5

Okóm angat wen alì knikò le, yóm klikò là deng hnikót gnóm le du teganay. Angat gotu bulét Dwata tiol yó kem kul hohon yó kem kun tau. Yakà deng kenbê Dwata kul, yó gónó le gemmò bélê le kem tau Israél.

Isaya 66:1

Yó udél Dwata, monen, “Longit se gónóhu myón kmamal yóm klamangen ne yóm tonok olo gónóhu hmótól tihu. Duhen yó, kbongen de yóm gónô tô hdà ye béléu? Kbongen de yóm gónô gónóhu tô nô lem blóng ye?

Kem Lingón 68:33

Semngal ye ebè yóm Dwata wen snakayen gel mlan bè yóm longit là sekna. Ke mudél, hol lómón ke lemték gu bè longit.

2 Bok Kem Tau Hol Geta 19:21

Ne ni se udélu eta Sinakirib. ‘Tey kehnê le kóm ne kkuli le kóm yó kem tau bè Jirusalim. Tey kehwó le kóm yóm igoem mlóy.

Kem Lingón 59:9

Uu, Dwata, yóm temgel dou. Nangatu uu mò lemwà dou, yakà són sem uu, Dwata, gónów gel hofin.

Kem Lingón 123:1

Ó Dwata, lengalae edyó béléem bè longit bè yóm gónóhem myón kmamal.