Kem Lingón 2:2 - Udél Dwata: Gna Kesfasad ne Lomi Kesfasad

² Ne yó kem tau hol geta bélê le, deng le eles htigel mit sgida. Ne natù le Dwata ne yóm tau hol geta deng néléken.

Kem Lingón 2:2 Referans Kwoze

Matyu 26:59

Ne lemwót yó kem tau geta bè yó kem gel demsù ebè Dwata ne kdê yó kem tau geta mogot kukum, mebel le dalil mò lan le hfatay ke Jisas lemwót bè yóm gel tifù yó kem dumu tau, baluen ke là tahuhen.

Matyu 27:1

Timbow deng mwas bè yó, gotu le stifun yó kem geta bè yó kem gel demsù ebè Dwata ne yó kem tuha gónó le gel galak yó kem Ju, sensatul le yóm kmò khatay le ke Jisas.

Kem Lingón 45:7

Tey bong nawahem du yóm tedeng, ne fen nutó nawahem yóm sidek. Yó gónóm mon, Dwata yóm hol kóm Dwata, deng hegetahen uu senta yó kem dumuhem mlan bè yóm deng ketwélen kóm yóm hnolo mit kligal.

Kul Nmò 10:38

Deng tngón ye se Jisas, tau lemwót bè Nasarit. Tódô sù Dwata béléen yóm kun Tulus, ne tey kfasang blayen du. Tódô keten benwu bélê me gónón e solu, ne hono hyu yóm gel nmoen. Gotu kóhen bè yó kem tau yóm kfasang Seitan malak kul. Yó gónón gembek mò du yóm nmoen yó, abay se tendo nô béléen Dwata.

Kem Udél Hlalak Tehe Selumun 21:30

Là kóen lemyu senta Dwata yóm khulung tau hedem duhen yóm khulungen temnef ne khulungen hmau.

Kun Snulat Jan 1:41

Kewót Andru bè yó, nan e kendel tódô hnebel twoguhen Simun, ne tulónen du, monen, “Ó Wog, deng ton me ne yóm Misaya.” (Yó lanen yóm boluy Misaya yó, duhen “Krays.”)

Kem Lingón 74:23

Béem tódô bayà yóm kdê mon yó kem hohonem. Senflósen temnù yóm kegmò le kóm, lel le mom alì hetê.

Kem Lingón 48:4

Yó kem dumu tau hol geta talak tonok, yó nmò le, gotu le stifun na le e nundug yóm syudad yó.

Kem Lingón 2:10

Duhen yó, yu kem tau hol geta mogot benwu yóm kmoen ni, hol hnungol ye dé yóm eles hetgamahu kuy. Hol henknol ye yóm monu ni.

Kun Snulat Jan 3:34

Yóm tau hógów Dwata yó, udél Dwata tulónen, abay se tódô sù Dwata béléen yóm kun Tulus.

Kem Lingón 89:20

duhen Dabid se yóm deng néléku yó, sotu tau tóbóng lówóhu. Deng hetwélu hnolo te kuluhen mò ilô yóm deng kéléku du.

Kem Lingón 74:18

Hendemem dé, Dwata, yóm alì kehnê le kóm yó kem hohonem. Hono kem tau nungel là madat boluyem.

Kehewà 16:7

Hlafus haya ton ye yóm tey layag Dwata tódô sminang. Deng gotu gungolen ne yóm ktalaw ye ebéléen. Bè ktahuhen, du yóm gónó ye e tmalaw abay se olo me tau mò du yóm gel hloloen kum yó dum kum.”

Hibru 1:9

Tey hyu nawahem du yóm nmò tedeng, ne kenbéem yóm nmò sidek. Yó gónóhu mélék kóm mò hegetahu ne mò hnigalu senta yó kem dumuhem.”

Kun Snulat Jan 15:23

Yóm tau kmutó nawa dou, knutó nawahen Mà snéen.

Kun Snulat Luk 13:31

Bè yóm kmoen yó, wen kem Farisi sut bè Jisas, mon le mò du, “Béem là ksón nô bè ni ne, wen Hirod, tô hfatayen uu kun.”

Matyu 2:16

Timbow dilô Hirod yóm deng kegsukaten bè yó kem tau hulung hménég kógów blotik, ya tey sidek kebuten. Yó nmoen, gotu hfatayen kdéen ngà logi tolo udì bè Bitlihim ne yó kem dumu benwu hmilol bè yó. Lemwót bè yóm ngà logi tolo hulô efet kól bè yóm ngà logi deng lewu halayen, gotu hfatayen lu. Deng eles nsóhen yóm deng kegenen sut yóm blotik lemwót bè yóm ktulón le du du yó kem tau hulung hménég kógów blotik.

Isaya 61:1

Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

Kem Lingón 110:5

Mdà bè kwananem Dwata mò mofin kóm. Bè yóm kdaw angat kebuten, tey dê kem tau hol geta hnatayen.

Kul Nmò 9:4

Tódô gdouf bè tonok, sen-geng gungolen se yóm mudél, monen, “Ó Sol, Sole. Moen ni du ke sónmoem hmayam dou?”

Matyu 26:3

Bong yó kem geta bè yó kem gel demsù ebè Dwata kkólen bè yó kem tuha gónó le gel galak yó kem Ju, gotu le stifun bè gónô bong Kyafas, yóm tau geta bè yó kem gel demsù ebè Dwata.

Kem Lingón 48:5

Okóm bè yóm kton le du, tey sidek ketnga le. Ya tey sidek klikò le, botong le mlóy mulék.

Kem Lingón 83:6

Lu se yó kem tau Idom, ne kem sfu Ismaél, ne kem tau Muab, ne kem tau Hagrayt,