Kem Lingón 2:12 - Udél Dwata: Gna Kesfasad ne Lomi Kesfasad

¹² bè yóm keheglaan ye béléen. Déke kendel msut lebuten, ngem kà tódô ye matay mekto. Tey kehligal le kul yó kem tau tendo gel hofin béléen.

Kem Lingón 2:12 Referans Kwoze

Kem Lingón 40:4

Hligal le kul, yó kem tau smalig ke Dwata. Là kô le smalig ebè yó kem tau heklabak, duhen ke mung le tmaba bè yó kem dwata kéng.

Kun Snulat Jan 5:23

anì kdéen tau gotu madat yóm Ngaen lómón se yóm kadat le ke Maen. Yó se tau là madat du yóm Ngà, là se kô nadaten du yóm Maen, yóm hógów du.

Kem Lingón 84:12

Tey bong kligalen yóm tau smalig béléem, Dwata, yakà uu du yóm Dwata laen dù là gbeken du.

Kem Lingón 34:8

Tilów nimónem Dwata dé anì gnómem yóm tey kehyuhen. Bong kligal le kul yó kem tau gel hofin béléen.

Jirimaya 17:7

Okóm tnóbóngu yóm tau smalig béléu ne són ou nefet nawahen.

Isaya 30:18

Baluen he ke yó nmò ye, yóm Dwata sana tolo kangaten du yóm kesfulék ye anì hegfanen bélê ye yóm kkoduhen kuy. Deng eles nô bè nawahen ne yóm tey kkoduhen kuy abay se yóm Dwata là gbeken du ke là nmoen du yóm hyu. Hligal le kul yó kem tau smalig bè Dwata.

Kem Udél Hlalak Tehe Selumun 16:20

Yóm tau kenmónen yóm udél Dwata, tey hyu klowilen ne yóm tau smalig béléen wen kligalen.

1 Pitér 2:6

Yakà wen yóm monen bè Sulat Dwata, yóm monen, “Wen botu alì mebtes deng tehe eles néléku. Yó se yóm botu alì bong muhen bè yóm gónô hdau bè Sayun. Deng suu bè yó ne. Ke wen tau hemtahu béléen, là kô wen gónón gsel béléen.”

Ifisus 1:12

Duhen yó, bélê me kum kem tau hol tanay hemdón ke Krays, yake mi dé gónó Dwata megdóyón lemwót bè kun kehyu.

1 Bok Kem Tau Hol Geta 19:18

Okóm angat hlowilu yóm hitu libu kem tau bè Israél, yó kem tau là gel le mtud bukol bè Baal, ne là gel nelek le du.”

Sulat Pol Ebè Yó Kem Tau Hemtahu Bè Rom 9:33

yóm tehe tulónen bè sulaten, yóm monen, “Ngem deng wen botu suu lem blóng le bè syudad Sayun. Yó se yóm botu geslob yó kem tau, ne hlós le glokob du. Okóm yóm tau hemtahu béléen, là kô wen gónón gsel du.”

Kem Lingón 2:5

Ominen mudél kul mung du lebuten. Ya tey sidek kehlikoen kul bè yóm kebuten.

Kem Lingón 1:6

Bong yó kem tau tedeng kmò le, tendo gel sen-galak Dwata lu ne nofinen lu. Bede yó kem tau gel mò sidek, deng le golu elem hatay ne.

1 Samwél 10:1

Omin Samwél ma yóm ngà sobuy gónón nô hnolo ulib ne twélen ta kulu Sol, henmung neleken ne monen, “Yó gónów mò du béléem nim ni abay se deng nélék Dwata uu mò malak yó kem tauhen Israél. Uu se mò lemwà kul lem tdok yó kem hohon le menwu hmilol kul. Wen ilô tonem kedeng mò gónóm temngón du yóm deng kélék Dwata kóm mò malak yó kem tauhen.

Husiya 13:2

Tódô senflós le mò salà bè yóm gel kmò le dwata kéng lemwót bè blówón bukay mò gónó le tmaba dwata nmò le lemwót bè kehedem tau ne nmò tdok tau. Yó udél le, “Demsù ye ebélê le ne nelek ye lu ni kem safì lennged ni.”

Kem Lingón 2:7

Ne angat mudél se kun yóm tau deng hyón Dwata yó, yó monen, “Heglalagu bélê ye yóm deng tehe mon Dwata mò dou, yó tehe monen, ‘Uu yóm hol dou ngà. Bè nim kdaw ni kehetngónu du ne yóm kmaem dou.

Sulat Pol Ebè Yó Kem Tau Hemtahu Bè Rom 10:11

Sotu monen bè Sulat Dwata, yó monen, “Balù kihu tau hemtahu béléen, laen kô gónó le gsel du.”Yóm Udél Dwata yó, laen kô dù tau ke là gomongen lemen, abay se laen kô gónó le stólóng yó kem Ju bè yó kem tau là Ju le. Tek sotu se yóm gónóhen mogot yóm kdéen tau, duhen Jisas Krays. Kihu tau tmaba béléen, sal sket gel tnóbóngen lu.

Kun Snulat Jan 14:6

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.

1 Pitér 1:21

Mlan bè Krays yóm gónó tekuy hemtahu bè Dwata, yóm Dwata tehe hlowil du gu lem hatay, ne tey kehegetahen du. Yó gónón alì mbegel yóm kehtahu tekuy bè Dwata ne yóm hendón tekuy béléen.

Tekang Kbuten 41:40

Nmou uu mò snaligu bè klamang nim benwu nogotu. Ne kdê yó kem tauhu, gotu nimón le uu ke wen hloloem kul. Yóm glal blayu kóm ni, hol smugung béléu.

Kem Lingón 31:20

Gel bnosem lu klohokem bè yóm gónón laen dù hemen le bè yó kem tau matul kul. Uu se kemlung kul klohokem anì mayuk le bè yó kem tau tmifù kul kéng.

Kem Lingón 34:9

Yake wen klikò tekuy ke Dwata yóm kdê tekuy kem kun tau. Yó kem tau mimón du, laen kô dù gónó le élél bè klowil le.

Kem Lingón 109:20

Hol lómón ni he kmò ktafak Dwata kul yó kem tau gel tmifù dou yó, yó kem tau gel mebel lan le tô hmatay do.

Sifanaya 2:2

Hegsel ye dé, yóm gu laan ye là deng holis bè lenos lómón kafa halay, yóm gu laanen là deng kmukum kuy Dwata, yóm gu laanen là deng sut bélê ye bè yóm alì ksidek kebuten kuy, yóm gu laanen là deng sut bélê ye bè yóm kdaw kehtonen yóm alì kebuten.