Kem Lingón 2:1 - Udél Dwata: Gna Kesfasad ne Lomi Kesfasad

¹ Kihol le gel tô matù ke Dwata yó kem tau bè klamangen benwu? Kiholen dê gel tô atul le? Yakem wen se gónón e kól.

Kem Lingón 2:1 Referans Kwoze

Deng Hegfan 17:14

Angat le gotu mit sfatay bè yóm Ngà Ubiha, okóm laen kô dù gmò le béléen. Ne yó kem tau mung bè yóm Ngà Ubiha, lu se yó kem tau tehe tnabahen, deng tehe néléken, tau là monol nawa le bè yóm klolò le du. Angat le matù, abay se yóm Ngà Ubiha, du se yóm hol gónó le mogot yó kem kdéen mogot, ne du se yóm Hol Geta bè yó kem kdéen tau hol geta.”

Kem Lingón 46:6

Okóm yó kem tau bè dumu benwu, tey sidek klikò le bè yóm kehsinsig Dwata yóm klamangen benwu. Heték Dwata, ne tódô kmanas yóm tonok.

Kem Lingón 21:11

Baluen ke wen sidek atul le etahem, laen kô gónón e kól yóm atul le yó.

Matyu 21:38

Okóm timbow ton yó kem tau mogot hulu yóm ngaen yó, mom mon le, ‘Yó nii yóm ngà yóm tau fun hulu. Lemwót kuy ne, na tekuy e hnatay anì gfun tekuy yóm tonok angat nfunen.’

Isaya 8:9

Ó kem dumu tau bè tólóng benwu mayuk hol ye stifun, mung du klikò ye. Hnungol ye yu kem tau bè yó kem benwu yó, htifes ye ne mógów ye bè sfatay bede eles ye hol hlikò. Yó ne htifes ye bede eles ye hol hlikò.

Kem Lingón 18:42

Deng gotu bnibuu lu lómón kfung mung holis bè lenos. Lómón ke fól yóm kbotu kul.

Kul Nmò 5:33

Timbow gungol le yóm udél le Pitér yó koni yó kem tau mogot kukum, tey sidek kebut le kul, kóyô le ke géhél hfatay le lu.

Kun Snulat Luk 18:32

Yó kmò le du, angat lus le elem tdok yó kem tau là Ju le. Angat tey keseflowon le du, ne sendekà le, ne lel le semdulak du.

Kul Nmò 16:22

Balù yó kem dumu tau bè yó, gotu gbót lenbut le Pol ne Silas se kul. Lemwót yó kem tau mogot kukum, wen tau dók le mò mlus nes le Pol anì hfes le lu. Ne tahu se, tey kabid kfes le kul.

Kun Snulat Luk 22:5

Ya tey ktimu óyô le. Glok le fmasad ke Judas filak mò ofolen mò du bélê le.

Kem Lingón 46:7

Nô bélê tekuy yóm Dwata laen dù là gbeken du, yóm Dwata hol gónó tekuy mogot. Du se yóm Dwata tehe Jakub, ne du se mò gónó tekuy e mlo.

Kem Lingón 57:9

Angate slamat béléem, Dwata, bè solu yóm kdéen tau. Angat lingónu bè yó kem dumu benwu hmilol yóm lingón dmóyón kóm.

Kem Lingón 74:23

Béem tódô bayà yóm kdê mon yó kem hohonem. Senflósen temnù yóm kegmò le kóm, lel le mom alì hetê.

Kem Lingón 83:3

Deng nitung le yó kem kóm tau, sidek atul le eta yó kem tau kenbong nawahem.