Kem Lingón 19:4 - Udél Dwata: Gna Kesfasad ne Lomi Kesfasad

⁴ Bede tódô lenngeben klamangen benwu yóm gel tulónen. Laen dù benwu talak tonok ke là tngónen du yóm heglalagen yó. Wen hol mdengen gónó Dwata hemsù du ditu bè longit yóm kdaw.

Kem Lingón 19:4 Referans Kwoze

Sulat Pol Ebè Yó Kem Tau Hemtahu Bè Rom 10:18

Bede wen snólóku. Là deng gungol kem tau Israél du kô nim tulón ni? Deng gungol le ne. Lómón yóm monen bè Sulat Dwata, monen, “Deng kem tehe gungol kdéen tau te tonok ne. Deng tódô gefet bè klamangen benwu yóm ktulón le du.”

Malakay 4:2

Okóm bélê ye kuy kem tau wen klikò ye do, wen gónóhu tmóbóng kuy. Angat nwitu elem blóng ye yóm kukum tedeng. Yó angat kmoen bélê ye, lómón ke kdaw mnóng ebélê ye mò hkó des ye. Angat ye hligal abay se laen dù bud gónó ye gfét, lómó kligal ye lómón yóm ngà safì laen dù bud féten, hligal mlóy ne hkak.

Kem Lingón 104:2

Hol lómón ke tendo legmotem yóm tey layagem. Ne yó kem longit seglafin, lómón ke ketefem yóm klamangen tonok.

Kem Lingón 98:3

Deng hendemen yóm tehe fasaden yó kem tau Israél, duhen yóm kbong nawahen kul ne yóm kteneben bélê le. Deng ton klamangen benwu yóm khewaen kum yóm kum Dwata.

Isaya 49:6

Bud mon Dwata mò dou, “Uu yóm mò tóbóng lówóhu, ni wen tey bong sigangu tahem mkay senta yóm gnan. Là són du yóm bud kulék kegeta yó kem dù tau Israél yóm hmou kóm, okóm nmou uu layag bè yóm kdéen tau bè klamangen benwu anì wen lan le gewà.”