Kem Lingón 18:4 - Udél Dwata: Gna Kesfasad ne Lomi Kesfasad

⁴ Yóm hatay, hol lómón ke fét bkes bè lówóhu, ne hol lómón ke dunuk bong kmifus tahu.

Kem Lingón 18:4 Referans Kwoze

Kem Lingón 116:3

Deng tódô lenibuten ou ne yóm hatay. Tey sidek klikou du yóm deng klonihen béléu. Là gbeku hmingón du yóm alì klikou ne ktafa nawahu.

2 Kurin 1:9

Hol lómón kegnóm me du, lómón ke deng hto yóm buteng me matay. Okóm yó gónón lómón yó keglayam me anì là bud snalig me du yóm kum knô, anì són Dwata yóm hol snalig me, yóm gembek hlowil du yóm tau deng matay.

Matyu 26:47

Igò Jisas tolo mudél, gdofì bè yó se Judas, yóm sotu bè yó kem sfolò lewu gel lemolò du. Tey tau wen huli du. Wen se lemumak sudeng bélê le, ne wen se kmulóng bogul. Lu se yó kem tau hógów yó kem geta gel demsù ebè Dwata ne yó kem tuha gónó le gel galak yó kem Ju.

Kem Lingón 124:4

Ke tehe là tnóbóngen tekuy Dwata, hol lómón ke deng gesloben tekuy yóm tey dunuk mamà.

Kem Lingón 22:16

Gotu senibut le ou yó kem tau mò sidek. Lómón ke slomong tey dê ohu lóbô, gotu le hloni ebéléu. Gotu nsék le sigelu ne tihu.

Kul Nmò 21:30

Bè yóm kesbeweg le yó, gefet bè yó kem dumu tau bè klamangen Jirusalim, omin le gotu mlóy etu. Tódô sensogot le Pol, ne senkteng le ete klósól yóm Gónô Dwata, ne henmung tnikeb le bengen.

Matyu 26:55

Omin Jisas mudél ebè yó kem tey tau wen kemfô du, monen, “Tey, glok ye mit suk ne bogul nim na ye e kekfô dou ni. Ilóem tô heskél ye ou bè yóm tau gel mò sidek. Igou se gel myón tmolok lem Gónô Dwata ket kdaw, là se kô géhél kenfô ye do.

2 Tutul Israél 20:21

Tikóng deng kestulón Jihusafat bè yó kem tau gel malak, ominen wen kem tau hulung semngal néléken mò semngal dmóyón ke Dwata tukô gna yó kem sendalù, bede heseken kul yóm nes gel lesek le ke wen bantang hnigal le. Ni se sngal le, “Hol tekuy slamat ebè Dwata, Yóm kbong nawan tekuy là kóen na a monol ne laen kô dù nan e són.”

2 Tutul Israél 20:22

Yóm igò le tolo mbut du yóm kesngal le dmóyón ke Dwata yó, sen-geng Dwata se semfatay kul honon lu yó kem tau Amun ne kem tau Muab ne kem tau lemwót bè Sér.