Kem Lingón 18:3 - Udél Dwata: Gna Kesfasad ne Lomi Kesfasad

³ Tmabahe ebè Dwata, yóm knóón sendóyón, yakà gel lenwaen ou lem hólól yó kem hohonu.

Kem Lingón 18:3 Referans Kwoze

Kem Lingón 91:15

Ke tmaba le ebéléu, bnalau lu. Ke wen gfà le, elese nô bélê le. Tendo gel lenwau lu, ne tey kadatu kul.

Kun Snulat Luk 1:71

Yó fasaden yóm angat kehewaen tekuy lem blóng yó kem hohon tekuy, ne lem tdok yó kem tau kmutó nawa tekuy.

Kem Lingón 145:3

Tey kegetahen yóm Dwata. Du se yóm knóón hol sendóyón. Yóm kegetahen, là gbek tau hmingón du.

Kem Lingón 62:8

Ó kem dou tau, hol tendo snalig ye Dwata. Tulón ye du yó kem blat nô ta ye, abay se Dwata se yóm gónó tekuy e mlo.

2 Samwél 22:4

Tmabahe ebè Dwata, yóm knóón sendóyón, yakà deng hewaen ou lem hólól yó kem hohonu.

Kem Lingón 96:4

Tey mfasang yóm Dwata, tey knóón semdóyón du. Yake wen klikò kuy du senta yóm klikò kuy yó kem dwata kéng.

Kem Lingón 55:16

Okóm dou, htóbónge bè Dwata, ne angat lenwaen ou.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

Nihimaya 9:5

Ominen bud wen bè yó kem sfu Libay fen mbut du yóm ktaba le ebè Dwata, duhen le Jéswa ne Kadmiyél ne Bani ne Hasabniya ne Siribiya ne Hodiya ne Sibaniya ne Pitahiya. Yó udél le, “Gotu tekuy mdà. Hol dóyón tekuy yóm sana kut Dwata hol gónó mogot. Yóm kun klowil laen dù buten ne laen se dù sónen. Hol dóyón tekuy yóm tey klinggel yóm kun boluy. Là kô gbek tekuy hmingón du yóm tey kegetahen.”

Deng Hegfan 4:11

“Tek són u yóm kum gónó mogot, yóm kum Dwata. Uu se yóm knóón bang sendóyón lemwót bè kegetahem ne lemwót bè kfasangem. Yakà uu du yóm deng dmimun yóm kentihen, ne tódô lemwót bè kóm kóyô yóm kedlimunem kul, ne yóm kehlowilem kul.”

Kul Nmò 2:21

Duhen yó, kihu tau htóbóng bè yóm gónó tekuy mogot, angat gewà gu lem hatay.’ ”

Kem Lingón 76:4

Teyi knóón, Dwata. Teyi geta senta yó kem bulul là sekna.

Kem Lingón 48:1

Tey geta yóm Dwata, knóón hol sendóyón bè yóm kun syudad yóm Dwata tekuy ta yóm kun bulul.

Kem Lingón 3:4

Denge hkodu bè Dwata, ne kendel bnalaen ou lemwót ditu bè yóm bulul gónóhen gel nô.

Kem Lingón 31:4

anì là gholote bè yó kem hohonu. Yakà tek són uu du yóm gónów hofin.

Kem Lingón 62:3

Tey dê yó kem hohonu, tek sotu blà le, kdê le gotu mifis hmatay dou. Kton le dou, lómón tóe beng deng gbà, duhen ke labat deng gotu hugón.

Kem Lingón 71:3

Hol lómón ke uu yóm botu bong tendo gónóhu e solu mò gónóhu heklung, mò gónóhu hofin. Géhéli mudél anì gewae, yakà són uu du yóm botu gónóhu heklung ne gónóhu hofin.

Kem Lingón 91:2

du se yóm tau gembek mon du mò ke Dwata, “Són uu, Dwata, gónóhu gel heklung ne gónóhu gel hofin. Són uu yóm dou Dwata, són béléem gónóhu smalig.”

Kem Lingón 144:1

Tey kdóyónu ke Dwata, lómón ke du yóm botu bong gónów gel heklung. Toloken o mit sgida, ne wen kenhulung mit sfatay blayen do.