Kem Lingón 18:2 - Udél Dwata: Gna Kesfasad ne Lomi Kesfasad

² Dwata se dou botu gónó heklung, gónóhu hofin, ne du se lemwà dou. Dwata se yóm dou botu gónó e mlo. Du se gónów heklung, kun kgis hewà dou, ne du se dou gónó hofin hol mbegel.

Kem Lingón 18:2 Referans Kwoze

Kem Lingón 144:2

Du se yóm Dwata kembong nawa do ne gónów gel hofin. Bud du se yóm mbegel, mò do gónó e hles, ne du se gel lemwà do. Eles mdà bè soluhu mò klungu, ne ebéléen gónóhu e mlo. Hogoten dou yó kem dumu benwu.

Kem Lingón 62:7

Sal lemwót bè Dwata yóm kegewau, dalang se yóm kadat le dou yó kem tau, bud lemwót bè Dwata. Du se dou gónó e mlo, yóm botu gónóhu gel heklung. Laen dù bud hohonu sut béléu bè yó.

Kem Lingón 91:2

du se yóm tau gembek mon du mò ke Dwata, “Són uu, Dwata, gónóhu gel heklung ne gónóhu gel hofin. Són uu yóm dou Dwata, són béléem gónóhu smalig.”

Kem Lingón 19:14

Hol tnóbóngem ou, Dwata, bè yóm kmò kudélu ne bè yóm kmò kehedemu anì hyu nawahem du. Són uu se yóm gónóhu e mlo, ne són uu yóm deng msok dou.

Kem Udél Hlalak Tehe Selumun 18:10

Yóm Dwata mò gónó le heklung ne gónó le e mlo yó kem tau tedeng kmoen ne gónón hyu knóen.

Kem Lingón 62:2

Tek sónen du yóm botu gónóhu gel heklung, yóm gel lemwà dou. Du se yóm gónów gel hofin là bude sliwo.

2 Samwél 22:3

Dwata se do gónó heklung, gónóhu e mlo. Du se dou klung, kun kgis hewà do ne hbegel do. Dwata se gónóhu hofin, gónóhu gewà. Deng hewaen ou lem tdok yó kem tau mò sidek.

Isaya 32:2

Kehlingónu kul, hol lómón ke lu mò seng bè lenos ne mò gónó e mlóy ke sut yóm tey kulón bong. Sotun, lómón ke lu yóm él mlel bè yóm benwu laen dù élen. Ne lómón ke lu yóm olung yóm botu semlung gónó hgolung bè yóm benwu laen dù koyuhen.

Kem Lingón 91:4

Yó kmoen kóm, lómón ke onuk, lenambungen uu laan hafaken, ne laen kô dù hemenem. Yóm là konol nawahen ebéléem, yó se mò ofinen kóm ne mò klungen kóm.

Hibru 2:13

Ne wen bud monen, “Dwata se yóm hol snaligu.” Ne bud ni sii yóm sotu tehe monen, “Ni ou, Dwata, gotu le mung do yó kem ngà deng blayem do.”

Kem Udél Hlalak Tehe Selumun 2:7

Ne du se bemlay khulungen mit ktauhen yóm tau tedeng kmoen ne bud du se kemlung du yóm tau laen dù belenen yóm kun kmò.

Kem Lingón 28:1

Ó Dwata, ebéléem yóm gónóhu e tmaba, uu se yóm henged botu mbegel gónów gel heklung. Hol béem abay là hnungol ou. Ke là hnungolem dou, hol lómón ke ou yóm tau móyón matay.

Kem Lingón 59:11

Okóm béem abay hnatay lu, Dwata, déke mom klifót yó kem dou tau yóm dnalang le bè yóm nmoem yó. Mlan bè kgisem hol senklahem lu, ne hol heglaanem lu, Dwata, uu se yóm kum gónó heklung.

Kem Lingón 75:10

Yakà deng mon Dwata du, “Kóhu yóm kul kfasang yó kem tau mò sidek, okóm bè yó kem tau tedeng kmò le, tennuu yóm kfasang le.”

Kem Lingón 132:17

Bè ni bè Jirusalim angat wen sotu semfu bè Dabid néléku mò tau hol geta alì mfasang. Yóm tau néléku yó mò layag ebè yó kem tauhu.

Kehewà 15:2

Dwata yóm hol kemgis mofin dou. Du se yóm deng lemwà do. Du se yóm dou Dwata tendo dóyón. Du se Dwata yóm dou mà ne hmungu bè lingónu yóm tey kegetahen.

Kem Lingón 116:1

Tey bong nawaw ke Dwata abay se gel hnungolen o. Sal gel hnungolen ke wen hnihu béléen.