Kem Lingón 17:9 - Udél Dwata: Gna Kesfasad ne Lomi Kesfasad

⁹ Nofinem ou bè yó kem tau gel mò sidek gel mundug dou, yó kem hohonu slibut dou móyô hmatay dou.

Kem Lingón 17:9 Referans Kwoze

Kem Lingón 35:7

Igoen laen dù sidek nmou bélê le, ewenem sana tô kholot le dou. Laen dù sidek nmou bélê le, ewenem sana kokol le sol mò gónóhu btang.

Kem Lingón 35:4

Hol henyakem lu yó kem tau tô hmatay dou. Hol hulékem lu, hesbewegem kehedem le.

Kem Lingón 35:12

Mom bnalà le sidek yó kem hyu gel nmou bélê le. Tey sidek kegnómu du.

Kem Lingón 31:20

Gel bnosem lu klohokem bè yóm gónón laen dù hemen le bè yó kem tau matul kul. Uu se kemlung kul klohokem anì mayuk le bè yó kem tau tmifù kul kéng.

Kem Lingón 7:5

ke yó deng nmou, Dwata, yó ne hekfóem ou bè hohonu. Hfatayem ou bélê le, ne tódô bayaem lówóhu masà ta tonok.

1 Tutul Israél 17:9

Ne deng wen benwu blayu kul yó kem dou tau Israél mò gónó le hlós nô, ne laen dù bud hmala kul bè yó. Mò kul benwu yóm blayu kul yó, ne là bud hen-gnok le kul ne yó kem tau hono sidek nmò le lemwót bè dumu benwu, lómón yóm tehe deng gel nmò le bélê le

1 Samwél 24:11

Ngem, hnénégem nim nô lem hólólu. Deng dnólóhu bè kilil yóm nesem okóm là kô hnatayu kóm. Bè ni se gónóm temngón du laen dù hendemu ke tô hnatayu uu ne laen se dù deng salà nmou béléem, balù yóm tendo kdulokem do anì ghatayem o.

1 Samwél 23:26

Lemwót le Sol ne yó kem sendaluen, mlan le bè doli bulul ne fen le nô bè doli yóm bulul yó kul le Dabid ne yó kem kun tau, henlóy le Sol. Timbow tô gafit le Sol ne yó kem sendaluen Dabid ne yó kem tauhen,