Kem Lingón 17:4 - Udél Dwata: Gna Kesfasad ne Lomi Kesfasad

⁴ Deng lolou yó kem kóm hlau kum, yó gónóhu là lemolò du yóm kul klan yó kem tau mahil hemsidek kem dumu le.

Kem Lingón 17:4 Referans Kwoze

1 Pitér 5:8

Bê kuy abay gel hlingay, hol ye eles htigel. Abay se wen Seitan yóm hohon ye, sónmoen mebel yóm tau mò hensideken, lómón yóm liyun, sónmoen mebel kenfóen mò nséken.

1 Kurin 3:3

Abay se monem sana tolo klolò ye du yóm kul kmò yó kem tau là hemtahuhen. Yó gónóhu mon du yóm yó, abay se tolo wen bélê ye gel sélés nawa, ne gel skaf mon. Yó se gónón gfan yóm tolo klolò ye du yóm kul kmò yó kem tau là hemtahuhen.

Deng Hegfan 12:11

Okóm deng le matù béléen yó kem kut dumu setwoli deng hemtahu mlan bè kun litô yóm Ngà Ubiha deng gamà bélê le, ne bud mlan bè yóm ktahuhen deng gel hból le. Là kô knamà le du klowil le efet katay le.

Sulat Jim 1:18

Deng tódô lemwót bè kun kóyô yóm kehbalingen tekuy kem kun ngà mlan bè kdilô tekuy du yóm ktahu yóm kun udél. Henbalingen tekuy kem ngaen anì lemyu tekuy senta yó kem dumu tehe dlimunen.

Ifisus 6:17

Yó henged sloung tók eles tendo gel sudù tekuy, duhen yóm deng kegewà tekuy. Ne yó kfilan blayen tekuy yóm Tulus Dwata, duhen yóm Udél Dwata.

Kun Snulat Jan 17:17

Hol hólósem lu mlan bè yóm ktahuhen. Yóm udélem se yóm hol ktahuhen.

Matyu 4:10

Bnalà Jisas se, monen, “Mdóhi bè ni, Seitan! Yakà deng monen du bè Sulat Dwata, ‘Béem tnilów Dwata yóm gónóm mogot ne són du hol nimónem.’ ”

Matyu 4:7

Bnalà Jisas se, monen, “Tahu se yóm monem yó, okóm wen sotu bud monen bè Sulat Dwata, monen, ‘Béem tnilów Dwata, yóm gónóhem mogot.’ ”

Matyu 4:4

Okóm yó balà Jisas du, monen, “Là kô yó du! Igoen deng mon du bè Sulat Dwata, ‘Là són du ken gónón mowil tau, okóm bè kdê yóm Udél Dwata se tahu hlowil du.’ ”

Deng Hegfan 9:11

Uma kóm wen yóm hol geta malak kul yó kem tlangas yó, duhen yóm sotu hógów Seitan, yóm fen mogot yóm sol leyóng. Yó boluyen bè udél Hibru, Abadon. Ne bè udél Grik, Apolyon. Yó lanen yóm boluyen yó, “Gemlà.”

Job 31:33

Ke deng wen salà bnosu lómón yóm gel nmò yó kem dumu tau ne ke là tulónu du yóm salau yó

Tekang Kbuten 6:11

Bede yó kem dumu tau, laen kô dù hyu ton Dwata bélê le. Kihu gónó le nô, sónmò le hemsidek kem dumu le.

Tekang Kbuten 6:5

Bè yóm kton Dwata du yóm alì kmò le sidek yó kem tau talak tonok ne yóm là kólós yó kem gel nô lem hendem le,

1 Samwél 26:9

Okóm yó balà Dabid ke Abisay, monen, “Béem abay hensidek, yakà tnafak Dwata du yóm tau hmatay yóm tau deng kun nélék.

1 Samwél 26:11

Okóm là móyô Dwata ke ou hmatay du yóm tau hol geta deng kun nélék. Okóm olo te ma yó dém buyus mteg bè kuluhen ne yóm gónóhen gel hemsù él mò ninumen, omin te lemwót.”