Kem Lingón 16:7 - Udél Dwata: Gna Kesfasad ne Lomi Kesfasad

⁷ Tey kdóyónu ke Dwata abay se gel sen-galaken ou. Ke kifu, eles wen gel hefedemen dou anì elese temgama.

Kem Lingón 16:7 Referans Kwoze

Kem Lingón 73:24

Yóm kesgalakem dou, sal gel mlan bè yóm gel kehlauhem dou. Bè yóm angat són klowilu, angat hegfanem yóm kadatem dou bè yóm khódóhem dou.

Isaya 50:4

Yóm Dwata hol dandónen geta gónóhu mogot, du se tmolok du dou yóm hyu mò udélu anì ten-gelu yó kem tau deng alì sidek kliteg le. Tódô ket hlafus gel benlayen ou óyô hmungol du yó kem nóyô toloken dou.

Kem Lingón 77:6

yóm tey gel kehligalu semngal kifu. Tey kehedemu du yóm gónón stólóng nim kmoen ni.

Kem Lingón 17:3

Bè yóm kifu deng kauyem dou sóól buteng, deng hensokolem yóm nô lem hendemu dalang se yóm nô lem but blututu, ne laen kô dù sidek tonem béléu Deng hol nô bè nawahu yóm là kegsalau ke mlan bè kudélu.

Kem Lingón 63:6

Ke hlilile bè gónóhu tungô, sónmou hemdem kóm. Senflósu kifu hemdem kóm,

Kem Lingón 42:8

Tódô ket kdaw Dwata hegfan du béléu yóm kbong nawan dou là monolen. Ket kifuhu semngal du yóm kun sngal, mung bè yóm knihu béléen, yóm Dwata hlowil dou.

Isaya 48:17

Ni se udél yóm Dwata laen dù belenen yóm lemwà tekuy kem tau Israél yóm gónó tekuy mogot, yó monen, “Ou se yóm Dwata gónó ye mogot. Teye móyô tô tmolok kuy yóm hol hyu bélê ye. Móyóe malak kuy bè yóm lan hyu mò lolò ye.

Isaya 26:9

Ke kifu, sónen uu hendem me. Bè yóm kdaw angat kkukumem yó kem tau te tonok, ton le béléem yóm hol kukum tedeng.

Kem Udél Hlalak Tehe Selumun 8:14

Béléu se gónón gu yó kem atul hyu ne khulung mit du hyu yóm kmò ktau. Ne bud ou se gónón gu yóm khulung temnef ne kfasang.

Kem Lingón 119:55

Ke sok kifu, Dwata, gel hendemu uu, ne yó gónów mimón du yó kem hlauhem.

Jirimaya 17:10

Okóm ou se yóm sana Dwata hol gónó mogot, ou se gel hemklol du yóm nô lem hendem tau ne gotu tonu yóm nô lem but blututen. Yóm ofol blayu du sal lemwót bè yóm deng kun gel nmò.”

Kun Snulat Luk 6:12

Sotu kdaw bè yó, tódô mógów elem bulul Jisas anì nan e mni bè Dwata. Tódô suloyen buteng mni.

Deng Hegfan 2:23

Tódô gotu hnatayu snéen yó kem tau gel lemolò du. Yó gónóhu mò du yóm yó anì tngón kdéen tau hemtahu béléu yóm klaen dù gebnos béléu, gotu tngónu yóm nô lem hendem le ne yóm dê tô hendeen le. Angat blayu kuy yóm mò balà yóm kuy deng gel nmò, yóm ket kuy na sotu.

Kem Lingón 119:7

Ke deng dnalangu yó kem hlauhem hono tedeng, yó gónón hol tahu duhen yóm kdóyónu kóm, laen kô dù belenen.

Kem Lingón 119:148

Sulóyu buteng là tungô, hendemu yó kem deng fasadem do.

Kem Lingón 77:2

Bè yóm tehe kdawen wen hlayamu, hnebelu Dwata. Suloyu buteng mni ebéléen igou hdà hólólu ebè longit. Laen kô dù kligalu ke là wen tóbóng lemwót gu béléem.

Kem Lingón 22:2

Ke kemdaw, tey ktabahu kóm, Dwata, okóm là kô kenmónem dou. Bude tmaba ebéléem ke kifu, là se gnómu du ke mdengen kehegnóu.

Jirimaya 12:2

Lómón ke deng huluhem lu ne deng le dmolil ne tmowok le, omin le mungu. Són boluyem btang bè sumóng le, okóm lem but blutut le balù udi ke wen nawa le ebéléem.

Kem Lingón 73:21

Bè yóm tehe kdaw, alì sidek kegnómu du lanen wen kensidek nawahu béléem.