Kem Lingón 16:4 - Udél Dwata: Gna Kesfasad ne Lomi Kesfasad

⁴ Okóm yó kem tau kendel gel mlóy ebè yó kem dwata kéng, tey dê gfà le bè klowil le. Là kóe mung bélê le ke sok le demsù, ne là kóe tmaba ebè yó kem kul dwata kéng yó.

Kem Lingón 16:4 Referans Kwoze

Juswa 23:7

Ke ni se nmò ye, là kô gbek ye du mit sbilà bè yó kem tólóng tau dù tebel ta nim tonok ni. Yó kem kul dwata lennged, balù olo moluy yóm kul boluy hol bê ye abay nmò. Là se hyuhen ke hlan ye bè boluy le ke mò ye fasad. Hol bê ye abay tmaba ebélê le ne bê ye abay mni tóbóng bélê le.

Kem Lingón 97:7

Yó kem tau gel tmaba ebè yó kem dwata kéng, gotu le mulék myak, lu se yó kem tau alì heklabak bè yó kem dwata laen dù muhen. Yakà kdê yó kem dwata kéng, gotu le hegdungul ebéléen.

Kem Lingón 32:10

Yó kem tau là mimón ke Dwata, tey dê gónó le glayam. Okóm yó kem tau genléd nawa le Dwata, tendo nofinen lu mlan bè yóm kbong nawahen kul.

Juna 2:8

Yó kem tau hemtahu bè yó kem dwata lennged laen dù muhen, deng knogol le uu ne.

Jirimaya 7:18

Lemwót yó kem ngà le, fen le ma koyu ne fen le hembong ofi yó kem mà le ne fen le mò mambang yó kem yê le mò blay le ebè yóm sotu dwata bnoluy le Libun Boi bè Longit. Bud wen se dumu ninum blay le ebè yó kem dumu dwata mò gónó le hebut do.

Hlolò 23:13

Ne bud henmung ye lewu kilu arina bnool hnolo ulib mò dsù hkekeb ye ebéléen. Ne bè boo yóm dsù ye yó, hligal du Dwata. Ne bud henmung ye sotu litru yóm tifas grép gel ninum alì mnóm.

Tekang Kbuten 35:14

Bè yóm gónó Dwata mudél ebéléen yó koni, wen botu hteg Jakub mò heftulón du bè nawahen. Ne wen yóm gel ninum le ne yóm hnolo ulib twélen tahen mò gónón hetfing du ebè Dwata.