Kem Lingón 16:3 - Udél Dwata: Gna Kesfasad ne Lomi Kesfasad

³ Tey gulit nmò le yó kem tau teneb le bè kehtahu le. Tey hyu nawahu ke nóe lem blóng le.

Kem Lingón 16:3 Referans Kwoze

Hibru 6:10

Tey tedeng knawahen yóm Dwata. Là kô klifóten du yóm hyu tehe gel nmò ye, ne yóm tey kbong nawa ye du. Yó gónón gfan yóm nawa ye ebéléen yó bè yóm gel któbóng ye yó kem dumu ye hemtahu. Balù ni kmoen ni, sana kmò ye du.

Kem Udél Hlalak Tehe Selumun 13:20

Baling hulung hedem se kun yóm tau tendo gel slomong yó kem tau hulung hedem, okóm yóm tau gel dnumuhen yó kem tau book hensideken knóen.

Kem Udél Hlalak Tehe Selumun 12:26

Yóm tau tedeng kmoen nalaken yóm dumun bè ktedengen, okóm yóm kun kmò yóm tau gel mò sidek, hetlasen kem dumu tau.

2 Tutul Israél 6:41

Ne ni, Dwata yóm sana Dwata hol dou gónó mogot, huseki elem yóm Gónô mò gónóm henek nô, ne ebè yóm gónón nô yóm Slungan Fasadem ilô yóm alì kfasangem. Yó kem tau gel blóng ebéléem, Dwata, hol lu he mit kegewà bè yó kem kóm tau, ne yó kem kóm tau, hol le hligal he bè yóm tey kehyuhem ebélê le.

Kul Nmò 9:13

Mon Ananiyas se kun, “Ê, Sér. Deng hónô gungolu yóm tau yó, yóm alì kehsideken yó kem tauhem bè Jirusalim.

Malakay 3:17

Yó udél yóm Dwata laen dù là gbeken du, monen, “Lu se yó kem dou tau. Ke hto yóm butengu tmafak tau, lómón ke lu yó kem kimu legen alì mebtes htólóngu mò dou nfun. Là kô tnafaku kul mom knoduhu lu, lómón kkodu yóm mà yóm ngaen logi tendo gel mimón du.

Kem Udél Hlalak Tehe Selumun 8:31

Ne hligale du snéen yóm benwu nmò me ne yó kem tauhen.

Kem Lingón 119:63

Hol weu yó kem tau wen klikò le kóm, yó kem tau mimón du yó kem hlauhem.

Kem Lingón 116:15

Tey le mebtes bè Dwata yó kem tau kenbong nawahen. Tey sidek kegnómen du ke sotu bélê le matay.

Kem Lingón 101:6

Tendo bnenteyu lu yó kem tau mò du yóm tedeng anì mung le henek menwu béléu. Són yó kem tau kembê du yóm sidek yóm henmóyóu mò tmóbóng do.

Kem Lingón 30:4

Yu kem tau gel mimón ke Dwata, hol sngal ye yóm sngal dmóyón ke Dwata. Hol dóyón ye yóm kun boluy alì mólós.

Taytus 3:8

Hono tahu nim monu mò kóm ni. Yó hol kóyóu ke hol tulónem kul ni kem ni anì henlel le mò du yóm hyu yó kem tau deng hemtahu bè Dwata. Yóm hyu gel nmò le yó, tey bong muhen bè kdéen tau.

Ifisus 1:1

Ou Pol gónóhen lemwót nim sulat ni. Hol lemwót bè kun kóyô Dwata yóm kbalingu tau gel hógów Krays Jisas. Nim sulat ni, hwitu ebélê ye yu kem kun tau Dwata bè Ifisus, yu kem tau deng ssotu bè Krays Jisas, kem tau là kóen monol nawa le ebéléen.

Glasya 6:10

Yó gónóm mon, ke wen lan tekuy tmóbóng kem dumu tekuy, hol tnóbóng tekuy lu, sélétem mon bè yóm hol dumu tekuy hemtahu.

Kem Lingón 122:8

Yó gónóhu mni du yóm kenek Jirusalim, yakà wen yó kem dumuhu setwoli ne yó kem weu nô lemen.