Kem Lingón 15:5 - Udél Dwata: Gna Kesfasad ne Lomi Kesfasad

⁵ Ne ke wen hutóngen, là kô hngaen du. Ke myón bè knukum, là kô nfihen du yóm kéng, balù nô kbong tô blay le du. Yóm tau lómón yó kmoen, tendo nofin Dwata.

Kem Lingón 15:5 Referans Kwoze

Isikél 18:8

Ke wen hutóngen, là kô nan e hngà du. Gel hlayuk bè yóm là tedengen ne tedeng kkukumen kem dumun.

Kun Snulat Jan 13:17

Deng tngón ye ne ktahuhen nim monu mò kuy ni, bong kehligal ye ke nmò ye.

Kem Udél Hlalak Tehe Selumun 12:3

Là kóen mdengen ktauhen yóm tau gel mò sidek, okóm yóm tau tedeng kmoen laen kô tul keskibolen yóm kun kehdolil.

Kem Lingón 112:6

Yóm tau lómón yó kmoen, là kóen gemmò béléen yó kem sidek. Yóm tau tedeng kmoen tendo gel hentulón nawa kem dumuhen tau.

Kem Lingón 106:3

Hligal le kul yó kem tau ke tedeng nmò le bè kem dumu le, ne ke tendo nmò le yóm hyu.

Kem Lingón 55:22

Hbóem ke Dwata dé yóm blat nô tahem anì du tmóbóng kóm. Là kô bayaen kul btang yó kem tau tedeng kmò le.

Kem Lingón 16:8

Eles gel hegnahu Dwata, ne tendo gel nô klohoku. Yó gónón là monol nawahu balù kihu sut béléu.

Matyu 26:15

Yó snólóken bélê le, monen, “Hilu de blay ye do ke ou fen malak kuy ebè Jisas?” Deng mom yó nmò le, tódô nsó le béléen tlu folò botù yóm kul filak mgel.

Isikél 18:27

Ne sotuhen, ke tenflok yóm tau yóm kmoen sidek ne ke nimónen yó kem dou hlau ne ke nmoen yóm tedeng ne yóm hyu, angat gewà lem hatay yóm tau yó.

Isikél 18:17

tnóbóngen yó kem élél, là hngaen du ke wen hutóngen ne tey gulit kloloen du yóm kdê dou hlau ne yó kem dou hlolò kul. Là kô naw e hukol du klowilen yóm tau yó lemwót bè yó kem salà gel nmò maen, fen mowil se kun.

Isaya 33:15

Song gónó ye mowil kuy bè yóm ofi yó ke tedeng yóm gel kebkó ye ne ke tedeng yóm gel nmò ye. Béem nwit yóm kwen boluy ye mò smukat yó kem tau élél. Hol bê ye henmóyô ke wen tô blay le kuy mò wa nawa le. Hol bê ye abay mung bè yó kem tau matul monok, duhen ke wen dumu sidek natul le.

1 Samwél 12:3

Ni, mdae bè solu Dwata ne bè solu yóm tau hol geta deng néléken. Tulón ye do kun ke deng wen bélê ye gónów mnagaw safì? Deng wen kô bélê ye gónów mnagaw kudà asnu? Deng wen kô lenugihu bélê ye? Deng wen kô tau hen-gnoku? Deng wen kô gel nwahu mò wa nawa? Hol tulón ye do anì bud huléku ebélê ye.”

Kem Udél Hlalak Tehe Selumun 10:30

Là kô le gdó du yóm tonok yó kem tau tedeng kmò le, okóm yó kem tau gel mò sidek là kô le gnô du.

Kem Udél Hlalak Tehe Selumun 15:27

Yóm tau seglom hnayamen kem fes lówóhen, okóm yóm tau kenbéen yóm filak mò wa nawahen htahaen ktauhen.