Kem Lingón 148:4 - Udél Dwata: Gna Kesfasad ne Lomi Kesfasad

⁴ Bud yóm hol són longit tofi ta, ne yó kem tey él nô tahen, hol gel dóyón ye Dwata se kuy.

Kem Lingón 148:4 Referans Kwoze

1 Bok Kem Tau Hol Geta 8:27

Okóm gbek Dwata kô nô dini talak tonok? Hol mou kun ne, anì sem hol longit geta, là kóen kóyów du. Sélétem mom ni nem Gónô Dwata hdau nii tô gónón kóyów.

Dwata 10:14

Ngem yóm longit hol geta ke Dwata funen. Ne bud kun snéen yóm tonok ne yóm kentihen nô tahen.

Nihimaya 9:6

Omin le gotu mni bè Dwata yóm kdéen tau Israél, mon le, “Tek són uu Dwata, yóm Dwata hol gónó mogot, tek sotuhem. Uu se mò du yóm longit ne yó kem blotiken. Uu se mò du yóm tonok ne yóm kdê nô tahen. Ne bud uu se mò du yóm mohin ne kdê yó kem nô lemen. Uu se hlowil kul yóm kdéen. Ne kdê yó kem hógów Dwata nô bè longit, gotu le heglaan béléem ne dóyón le uu.

2 Kurin 12:2

Bè yóm deng sfolò fat halayen ni ne, wen sotu tau hemtahu bè Krays tngónu. Tódô wen mit du eta bè yóm longit hol geta bè kdéen. Bede là tngónu du tum mógów tu ke tahu lówóhen duhen ke olo tódô hton Dwata. Tek són Dwata temngón du.

Kem Lingón 113:6

Ditu filaanen tey mayuk béléen yó kem longit ne tonok. Kudung temngel elaan,

Kem Lingón 104:3

Ne deng hdaem gónóem ta yóm él tofi ta longit. Yó muhem yóm lobun mò klitun gónóm myón, ne lenos fen demyol du.

Kem Lingón 68:33

Semngal ye ebè yóm Dwata wen snakayen gel mlan bè yóm longit là sekna. Ke mudél, hol lómón ke lemték gu bè longit.

Tekang Kbuten 7:11

Bè yóm ksuten, deng nem latu ne halay Nuwa. Msut yóm dunuk bè yóm gesfoloen hitu kdaw bè yóm gewuhen bulón. Yó kmoen, tódô semfut gu lem tonok yóm tey él nô fi laan tonok ne sen-gengen se sut yóm tey kulón bong.

Tekang Kbuten 1:6

Ne yó bud mon Dwata, “Na sen-gawag dé yóm él anì wen lewu gónón nô.” Tahu se, tódô sgawag yóm él. Wen él nô tofi laan, ne wen se él nô tofi ta.

2 Tutul Israél 2:5

Yóm gónô hdau yó, angat tey ktiloben, abay se yóm kum Dwata, du se hol geta senta yóm kdéen dwata lennged.

Kem Lingón 69:35

Angat lenwaen Jirusalim bè yó kem hohonen. Bud hefdaen yó kem dumu benwu bè prubinsya Juda. Ne gotu le bud nô bè yó, yó kem kun tau, nfun le yóm klamangen.