Kem Lingón 146:8 - Udél Dwata: Gna Kesfasad ne Lomi Kesfasad

⁸ ne htonen yó kem butô. Bud henwósen yóm blat nô ta yó kem tau meflayam. Tey kbong nawahen kul yó kem tau tedeng kmò le.

Kem Lingón 146:8 Referans Kwoze

Kem Lingón 11:7

Yakà tey tedeng kmoen yóm Dwata, ne hol nóyóen yó kem nmò tedeng. Yó kem tau mò du yóm tedeng, angat ton le lem uyó Dwata.

Kem Lingón 145:14

Gotu tnóbóngen yó kem tau wen gfà le. Gotu bud hdaen yó kem tau deng btang.

Matyu 9:30

Ne tahu se, tódô sen-geng le se bud mton. Ne tey kehget kmon Jisas du mò kul, “Bê ye abay tulón bè kihu tau nim deng nmou bélê ye ni.”

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Ifisus 1:18

Hol hnihu bè Dwata anì hlayagen lem hendem ye anì glileb ye yóm kwen tey hendón nefet nawa ye, yó se yóm tehe tabahen kuy. Kóyóu ke hol glileb ye snéen yóm alì kehyuhen yóm deng fasaden bè yó kem kun tau,

2 Kurin 7:6

Okóm yóm Dwata, tey hulung hemyu nawa yóm tau sidek keblat nawahen. Yó se gónón hemyu nawa me se kum bè yóm kkól Taytus.

Kun Snulat Jan 16:27

abay se yóm Mà kun, kenbong nawahen yu snéen lemwót bè yóm kbong nawa ye do, ne lemwót bè yóm kehtahu ye yóm kewótu gu béléen.

Matyu 11:5

Yóm tau butô tódô bud mton, yóm tau hikot bud gógów, yóm tau wen des mifù gnómen gotu mkó, yóm tau bokong bud mungol, yóm tau matay bud mowil. Ne sotuhen, yóm Tulón Hyu lemwót gu bè Dwata deng gefet bè yó kem tau élél.

Isaya 35:5

Bè yóm kkólen, gotu htonen yó kem butô ne hfungolen yó kem bokong.

Isaya 42:16

Angat nalaku yó kem dou tau butô bè yóm lan là deng kul sulék lan du. Angat henbalingu bélê le layag yóm tehe gónón kmifu ne angat hlóhu bélê le yóm lan sebsuk. Ni se yóm fasadu kul, là kóen bud mulék elem baku.

Kem Lingón 147:6

Gel tnóbóng Dwata yó kem tau hulung heglaan, okóm fen ndaen lem tonok yó kem tau gel mò sidek.

Dwata 33:3

Yóm Dwata, tey kbong nawahen kul yó kem kun tau, gotu le nô lem hólólen yóm kdê le. Tódô lolò le yóm kun klan ne henmóyô le yó kem hloloen kul.

Isaya 42:18

Bud mon Dwata, “Yu kem tau bokong, hol ye hmungol dé. Yu kem tau butô, hol tenngel ye dé.