Kem Lingón 146:5 - Udél Dwata: Gna Kesfasad ne Lomi Kesfasad

⁵ Hligal kun yóm tau ke tnóbóng Dwata yóm Dwata tehe Jakub. Hligal yóm tau ke genléd nawahen Dwata yóm Dwata gónóhen mogot.

Kem Lingón 146:5 Referans Kwoze

Kem Lingón 144:15

Tey kehligal le yó kem tau ke lómón ni klowil le. Tey kehligal le kul yó kem tau ke yóm Dwata hol gónó mogot yóm kul Dwata.

Kem Lingón 71:5

Són uu, Dwata, yóm nefet nawahu. Són uu yóm tendo snaligu lemwót bè hanà kudiu.

Kem Lingón 33:12

Ya tey kehligal yó kem tau bè kihu benwu ke Dwata hol kul gónó mogot. Hligal le se kul yó kem tau nélék Dwata mò kun tau.

Kem Lingón 84:12

Tey bong kligalen yóm tau smalig béléem, Dwata, yakà uu du yóm Dwata laen dù là gbeken du.

Kem Lingón 46:11

Nô lem blóng tekuy yóm Dwata laen dù là gbeken du. Du se yóm Dwata tehe Jakub, ne du se gónó tekuy e mlo.

1 Pitér 1:21

Mlan bè Krays yóm gónó tekuy hemtahu bè Dwata, yóm Dwata tehe hlowil du gu lem hatay, ne tey kehegetahen du. Yó gónón alì mbegel yóm kehtahu tekuy bè Dwata ne yóm hendón tekuy béléen.

Kem Lingón 84:8

Ó Dwata, hol hnungolem yóm knihu béléem, yakà uu du yóm Dwata laen dù là gbeken du yóm Dwata gónóhu mogot. Hol hnungolem ou, yakà uu du yóm Dwata yóm tehe fù me Jakub.

Kem Lingón 46:7

Nô bélê tekuy yóm Dwata laen dù là gbeken du, yóm Dwata hol gónó tekuy mogot. Du se yóm Dwata tehe Jakub, ne du se mò gónó tekuy e mlo.

Kem Lingón 39:7

Duhen ni, Dwata, tau du de nefet nawahu? Tek són sem uu.

Kehewà 3:6

Ou se sana Dwata yó kem tehe fuem, le Abraham ne Isak ne Jakub.” Bè yóm kungol Musis du yóm udél yó, botong nsengen uyóhen bè yóm alì klikoen temngel ebè Dwata.

Dwata 33:29

Ó kem tau Israél, tey kligal ye kuy. Laen dù semnged kuy yu kem tau deng lenwà yóm sana kuy Dwata hol gónó mogot. Dwata se yóm kuy klung ne kuy sudeng mò mofin kuy ne hegmò kuy bè yó kem hohon ye. Yó kem hohon ye, angat le msut na le e hkodu bélê ye, okóm angat gotu genlà ye lu.”

Tekang Kbuten 50:17

wen tinoken béléem, yó udélen, monen, ‘Ó Jusif, béem bud snolò ne yóm tey sidek tehe nmò le béléem yó kem twoguhem.’ Ne ni udél me ebéléem, hol hnifótem mi bè yóm tey sidek deng nmò me béléem, mi kem tóbóng lówó Dwata yóm Dwata tehe maem.” Botong mkik Jusif bè yóm kungolen du yóm udél hwit le yó.

Kem Lingón 20:8

Yó kem tau yó koni, angat le mom tlokob du ne masà du yóm tô snalig le. Okóm kum, là kô me na a masà, mbegel kdà me.

Kem Lingón 46:8

Géhél ye dé, nénég ye yóm deng nmò Dwata. Nénég ye yóm tey tennga nmoen te tonok.

Kem Udél Hlalak Tehe Selumun 16:20

Yóm tau kenmónen yóm udél Dwata, tey hyu klowilen ne yóm tau smalig béléen wen kligalen.